香港賽馬討論區 - 「你對今年香港國際賽事的感想？」賽馬世界

賽馬世界 » 香港賽馬討論區 » 「你對今年香港國際賽事的感想？」 » 查看評分記錄

14/12/2009 10:22 AM

香港瓶

一如賽前所料，四場香港國際賽中最強的賽事。

所以香港馬三甲不入其實好正常。「西國明月」本身唔喜歡被馬困住走。今日表現中規中矩。

今場要讚讚蘇銘倫，其主動性真係 ...... 值得一讚。將西國明月由主動變被動。

今日能取第四真係因為佢。本身隻馬始終輸級數。見最後100蘇銘倫再車輪鞭。已經開始腳軟外閃就知。

「大利來」只係做番係法國做的事情。未輸過的馬女令人繼續憧憬佢下季的表現。

「爆冷」及「自由好」係哩半上只值二級水準而已。

香港短途錦標

賽前只睇好「萬籟俱寂」，點知賀生走去內欄博位。立心存死。連傷腳「阿帕奇貓」都跑唔嬴。

眼前一亮當然係美國代表「加州旗幟」如果今日唔係「桂冠戰士」搞搞佢。從容地放，可能有機入三甲。

「同一世界」真係博盡了，唔知往後仲可唔可以維持番今日的水準。

「蓮華生輝」狀態比上次好番少少但仍同全盛期打了個7折。「時尚風采」一而再入位。好野 !!!!

香港一哩錦標

普通香港一級賽，「鳥語花香」最後50唔能夠貫注到底，長力問題 ?

「友誼至上」同「步步穩」跟咁前，托咩。「溫馨之家」仲誇張，嬴「金剛威」果場留6,7位。今場仲後過「好爸爸」

香港杯

「萬千景象」正宗 2000米一級馬。嬴既所有一級賽都在2000-2100米上。法國佬又一記收埋食

今日直路頭都唔駛大力騎就壓住「閒話一句」，「閒話一句」明顯輸 Class

「百威勝」+「飛鷹山」狀態同上年在香港嬴馬一仗差很遠。

用戶名	時間	積分	理由
EternitY	12/1/2010 04:38 PM	聲望 +15