香港賽馬討論區 - 論壇活動：你心目中的銀行馬？賽馬世界

賽馬世界 » 香港賽馬討論區 » 論壇活動：你心目中的銀行馬？ » 查看評分記錄

20/8/2007 10:02 PM

歡樂滿堂
o係告仔今季所收o既低班馬中，歡樂滿堂似乎唔係太多人重視。但呢隻馬到而家六歲，都只係跑o左22場，腳患的確影響呢隻馬成就，卻換來未用盡o既里程；而且馬本身實力其實值四班頂水平，只係上手馬房就住用，所以集中o係五班出擊。

告仔既然接收，當然覺得隻馬唔差先肯要，而且今季可以早復課，證明腳患情況已經受控，只要能夠短時間內作快功夫打磨，應該係告仔準備季初安排出擊。如果今季部署得宜，以此駒本身質素，有能力成為第二匹世紀巨星。

創富專家
此駒o係356場次中，只敗於驊中龍及線路精英兩匹超班馬，加上本身走勢仍然幼嫩、狀況又不足，明顯單靠質素搭夠。後來幾場縱然落敗，但擺明係大摩搏減分o既一貫手法。

相同例子，上季o既駿馬大師及好來好去，就係呢類手法下，成功從低位反彈贏馬。

而此駒係馬房中今季最早復課o既分子，近日更由薄奇能親自操練，明顯係想做好準備，以便今季大熟為馬房攻堅。

但要留意，此駒現時評41分，唔排除季初輸完搏落五班先出手，所以捧場前，要留意此駒o既操練手法及狀態能否配合。

叱吒風雲
表面上，呢隻馬上季每一場都係最後幾名過終點，但其實係輸唔遠，而且細心睇每場賽事片段，呢隻馬其實係肯追馬，只不過受制狀態及成熟程度不足，所以就有力不從心。

但剎科戰中，此駒改用前領跑法及加上配備下，明顯見到馬匹較以前主動，而且末段亦斷唔晒，應該係馬匹開始進步o既先兆。

此駒今季較早復課，而且更係馬房中最早接受快跳功夫o既少數分子，方仔應該知道隻馬今季成長o左，先可以咁早接受快功夫；如果確認馬身轉壯及成長，今季可以將潛力發揮，有能力贏到上三班。

用戶名	時間	積分	理由
EternitY	20/8/2007 10:36 PM	聲望 +14