1---至好聲
3歲愛爾蘭馬上季根本未適應又未成熟, 而且以外地賽績插班評78分係太高. 不過季尾谷草1650, 谷草1800表現大幅進步, 證明馬已經開始適應水土, 而且谷草適應強. 今季4歲應更進一步, 目前評65分, 或者跑幾場短warmup, 一見跑1800或大長途可以起快, 今季最少都2win在手 :lll:
2---機靈勝
上季初健康有小小問題, 搞到要3月先初出. 初出一場1400後追衝刺追好多個馬位, 果時狀態未十足, 難度好高. 之後幾場只係試馬居多, 因為只見列高力係咁搶去前面跑哂返黎冇哂, 明顯用錯跑法. 到贏馬終於留住跑, 結果完全係第2隻馬, 一衝贏開瀟灑王子接近2個馬位, 要知瀟灑王子係4班係有實力的馬, 可以贏甩佢2個馬位唔容易. 機靈勝已經5歲高峰, 下季仲有會進步, 估計最少都值70-75分. 而家已經做慢功夫, 以蘇保羅的練馬性格, 估計9月尾先會出, 而且初出已經可以捧.
3---馬必高
大告的馬必高, 上季初初狀態未夠有少少走勢見到, 後來大告玩配備又跑長途, 明顯又係試馬. 之後係谷草1200加眼罩, 係大利前領馬的形勢之下追一段唔錯. 之後落到4班, 檔太差用梁明偉, 中段留到有d跟唔上馬群, 一條直路追10個馬位得第4, 唔係e個班有10幾分在手你都好難做到. e隻馬已經5歲的Danasinga馬估計1600最好, 有能力上返3班中游位置. 不過e隻馬最近停左課, 季初就算出都未必係捧場時機, 要睇對手同操練.....我估佢季中開始同季尾e段時間可以有2-3win
[ 本帖最後由 木奇異 於 23/8/2007 09:52 PM 編輯 ] | |
