近期o靚模的必殺技除了行性感外，還要識得打碟，否則要立足及搵真錢銀，實在唔使諗。最近施念慈旗下再有新女出籠，身為DaDa（陳靜）師妹的Celia（郭穎兒）及 Mei Mei（曾善美），雖然身材無師姐咁勁，但勝在骨肉均稱，更以新鮮的孖妹姿態出現，誓要在打碟界大展拳腳。
為了在打碟界站隱陣腳，日前Celia（郭穎兒）和Mei Mei（曾善美）在師傅Simon Wai指導下勤加苦練，現在已略有所成，相信很快便可以正式上場表演。當日本報記者到現場探班，發覺兩人外形確實相當神似，若不是分別穿上黑、白裙，肯定會將兩認錯。
似樣到朋友認錯
Celia和Mei Mei表示本身是認識多年的朋友，初見面也覺得對方相似，「我哋係喺網上面認識，已經覺得大家好啱傾，點知見到面都唔係好相信，竟然有人會同自己咁似樣，我哋好多時冇夾過，都會打扮到好似，所以我哋一齊出嚟啲朋友都會認錯，真係幾搞笑㗎！」
由於Celia和Mei Mei本身是好朋友，經理人施念慈決定塑做她們做孖女，她們亦相當贊成，至於o靚模紛紛加入打碟行列，怕不怕競爭大，她們則相當淡定表示「我哋用孖女姿態會比較新鮮感，雖然我哋可能身材冇咁勁，但係勝在夠平均，造型可以多啲變化，唔肯淨係得性感，相信一樣會Fans會支持。」
