近年極力洗底的馬德鐘好不容易才翻身成功，誰知又捲入涉嫌「非禮」陳嘉桓事件中，為自保，馬德鐘極速跟陳浩民劃清界線，另一邊廂悄悄求助無綫製作資源部總監樂易玲，又追魂Call陳嘉桓師傅兼經理人冼國林辯解，惟機關槍式瘋狂拍門冇人應，結果碰到一鼻子灰！
衰攬女，已婚馬德鐘險些輸了頭家，多得樂易玲助他洗底，好言相勸他戒色、戒酒，更為他爭取搵人仔機會，接拍大陸劇《廣告風雲》。
據知，馬德鐘約滿無綫後，明年一月便跳槽效力王維基公司，今次闖出大禍，馬德鐘四出求援，據知他第一時間跟陳浩民劃清界線自保外，前晚開始，轟炸式致電給樂小姐及冼國林叫救命，可惜不得要領。
孤兒仔好可憐
「唉！佢有事鍾無艷，無事夏迎春，樂小姐唔想理佢，點幫啫？況且佢出年一月一日過檔王維基公司，唔通幫他人作嫁衣裳咩？」知情者爆料說，換句話說，在過渡期的馬德鐘豈非變成孤兒仔無人理？記者致電樂小姐，她說：「我啱啱落機返到香港，我會約冼師傅了解件事。」冼師傅則透過短訊回覆：「Will do right thing！」
記者再致電王維基公司高層Wilson了解，他承認有跟馬德鐘有初步接觸過：「我哋傾緊，仲會做嘢！（法律行動？）一方面啦，總之具體事唔可以透露住。」
