出名「Chok」，估唔到堂妹林夏薇都不相伯仲。早前她為代言的護膚品拍攝平面廣告，由於好多鏡頭都是Close-up，長時間坐在櫈上的她，要擺甫士都要就住就住，唯有靠擺動雙手，一時將手放在大髀上，一時又單手Chok住個樣擺甫士，果然有其兄必有其妹。
雖然林夏薇近排忙於拍電視劇《結•分@謊程式》，當日又要在早上8時到達Studio拍廣告，但她絕無半點疲態，難得是皮膚狀態都保持得好好。她坦言：「就算幾多嘢做、幾攰都好，返到屋企我會立即落妝，等肌膚有休息同唞氣嘅時間；出外景或做宣傳時，如時間許可我仲會抽10至15分鐘敷個保濕Mask𠻹。」
多喝水保靚靚皮膚
拍攝當日，穿上喱士背心的林夏薇，襯托簡潔的妝容，在鏡頭前更見清純，甚配合廣告清新的主題。但由於拍攝重點都集中在她的面部和上半身，為免她辛苦，攝影師都好細心，讓她坐在櫈上進行。只見薇薇不停郁動雙手擺甫士，施展渾身解數，十分專業。
她的護膚之道是「多喝水」，每逢拍劇時有空檔或未埋位時，她都會飲大量的水，而當日都唔例外。由於薇薇下午還要出席劇集的宣傳活動，所以拍攝時間都相當緊迫。幸好她與一班幕後工作人員都合作無間，只花了兩小時便順利完成整個過程，廣告並於本月中出街。
