未婚懷孕致形象插水，楊思琦被TVB丟入灶底，捱至今年四月才可逃離地獄谷。單親靚媽以為從此要賣肉養女，原來柳暗花明，剛約滿的纖體代言獲續約兼酬勞加碼至七位數，加上內地登台及商場騷，楊思琦飛甩TVB五個月極速吸金三百萬，難怪有錢入市買新盤。


　　所謂天無絕人之路，因為無是非人緣好，楊思琦放棄TVB後埋到黑妹（李麗霞）及范振鋒堆，內地登台長做長有，唱歌跳舞加握手個多小時便剩賺10萬，加上泊到有線新碼頭，跟黎燕珊齊主持13集清淡節目《往事，並不如煙》，每集酬勞一萬元較大台價高出三倍，有線亦講到明反應好會添食。

　　抱囡落訂買新樓

　　不用被經理人抽佣，思琦每月穩袋二十萬，加上平時夠慳家，供樓同生活費絕對不成問題。一鋪翻身的思琦表示，「希望儲多�蠵�，下年可以買多兩層樓收租啦！」估唔到話咁快便願望實現。上周六下午，楊思琦抱�蚕づこ豕蘄o（Krystal）及楊父到天晉IIIA售樓處落訂，據知思琦購入Tower 3A低層B單位，實用面積近850呎，呎價13,059元至18,275元，售價近千萬。


　　拒絕透露買樓事

　　知情者指思琦當日付了5%訂及簽署臨時買賣合約，180日內會交齊尾數，「但層樓唔係落楊思琦個名，係落佢爸爸楊敏祥個名。 」對於買天晉IIIA一事，記者昨晚致電楊思琦並留下問題，但截稿前未有回覆。