陳嘉桓（Rose）最近首度擔正電影《販賣•愛》，戲中她飾演「援交」女生「Tiffany」，讀書時曾被同學取笑名字為「援交陳」的她，坦言這是入行五年來最激一次，不論大膽露肉程度和演繹內心戲方面，令她終於有機會發揮演技。談到跟廖啟智和周柏豪合作，她大讚兩人雖首度合作，卻很照顧她，特別是柏豪很喜歡跟她講大道理，相當有趣。
陳嘉桓笑言對於「援交」這個詞一點都不陌生，「讀書時已經成日俾同學倒轉名讀，笑我係『援交陳』，我唔會介意呢個花名，自己唔係咪得囉！估唔到依家拍戲真係會做『援交』女仔喎！」
柏豪愛講道理
打女出身的Rose，今次戲中不但放棄武功，還有牀上戲和裸露鏡頭，角色更由頭大到尾，對她來說絕對是一大挑戰，「以前做啲戲，同現實自己好唔同，唔係古裝就係成熟好多，今次終於有機會接近番自己多啲，但係戲份好重，仲有好多內心戲，又有啲激情戲，算係入行五年嚟最激一次，對我嚟講算係幾大考驗，真係發揮到自己演技。」
對於初次合作的廖啟智和周柏豪，Rose很感激他們的照顧，特別是愛講大道理的柏豪，「起初覺得智叔好嚴肅，後尾合作後知道佢其實好nice，所以同佢有啲激情戲都冇咁驚。至於柏豪其實平日出活動都見過，不過估唔到佢個人咁鍾意講大道理，好得意，佢仲成日唔信我得22歲，每次見親我都問我幾多歲
