去年，彭順驚爆偷食27歲超奀星李悅彤（Liddy），更不避嫌力薦「第三者」擔任愛徒黃柏基新片《四非》的女主角，電影將於3月12日上映，咁啱同李心潔的《念念》玩前後腳。Liddy在戲中有連場情慾戲，穿透視睡衣露乳貼只屬小兒科，最令人呼吸急促的是濕身出浴及與男角周柏豪的對手戲，背部全裸見埋pat pat，因為一次過去得太盡，Liddy坦言當時拍出抑鬱症
經歷「偷食」事件，彭順變身老婆奴全力補鑊，出事後自導多場「大龍鳳」的他終於𠱁掂心潔，雨過天晴的彭太仲坦言每日活得好開心。而27歲Liddy則睇化晒：「爸爸嘅事係我轉捩點，經歷7年冇運行，眼見好喇終於機會來臨，點解又要遇到咁嘅打擊？?家我無晒鬥志，究竟應唔應該繼續堅持落去？定係上天寓意叫我真係要放棄？我唔知道。其實我enjoy做個平凡人，喺街邊篤下魚蛋，如果決定唔做呢行我會衝出亞洲，周圍探索吓其他嘢。我對呢行都幾失望，我諗天無絕人之路，行行都可以出狀元，可以賺到錢養家嘅。」
強調依然單身
問到Liddy為何對娛樂圈感到失望？她答非所問：「好壞經歷都係要接受嘅，既來之則安之。」問到可有再跟彭順聯絡？她淡淡然說：「我同佢冇再聯絡，各自各啦，我唔會打擾人哋，亦唔想人哋打擾我生活，只想開開心心咁過每一日，?家我好開心可以做乜就乜。」跟舊愛決絕地劃清界線。
至於外界關心的感情問題，Liddy否認「翻撻」舊愛Simon，強調仍然單身，呢個傳聞對Simon唔公平，笑言：「佢仲要搵女朋友，我唯一係感恩有人陪我行過低潮。」
