周秀娜狠撇花弗男友Avis係絕對正確的，過去這星期，Avis選擇「龜縮」了事，懶理大堆「哎吔」女友慾照曝光，本報搜獲多段Avis情慾短訊，揭示他與「小三」Vivian的關係非比尋常，問到兩人現時關係？慘被𡁻完鬆的Vivian忍不住爆喊：「佢淨係想𠱁我上牀！」至於是否已跟Avis發生關係？Vivian又尷尷尬尬地說：「我唔想答！」明白！
周秀娜宣佈與奀模男友陳偉成（Avis）分手，六年情畫上句號，Avis的集郵相簿亦相繼曝光，繼新歡Vivian後，吳浩康舊愛Hazel、媽模Mia亦榜上有名。
偷食鐵證
據悉首批牀照流出後，Avis第一時間找Vivian講數，軟硬兼施刪去兩人的親密照，「Avis𠱁Vivian delete晒所有相，又係咁問啲記者有冇搵佢，問佢點答，講完就收線、潛水，Vivian後尾先發現之前WhatsApp的記錄都無晒，微信又被人block埋，超賤，反轉豬肚，Vivian一個人受晒，喊到失控。」Vivian閨中密友透露說。
記者搜獲部份Avis發出的情慾短訊，鐵證當時仍跟娜姐拍拖的Avis已出軌，其中一段收錄在上月中，Avis溫柔詢問：「你喺邊呀，做咩唔聽我電話嘅？」另一段則說：「你幾點收工呀，你過嚟搵我吖，我陪你。」
新片同娜姐爭仔
被指是「小三」的嫩模Vivian昨日接受記者訪問，初時亦語無倫次，答得飄忽，當記者出示情慾聲帶後，Vivian即面有難色，問到與Avis現時關係？Vivian哭訴：「我?家都搵唔到佢，我唔係第三者，佢話已經分手的，諗返轉頭覺得佢真係好賤，淨係想𠱁我上牀！」
說到新片《爛滾夫與爛滾妻》將於日內正式埋位硬拼娜姐爭杜汶澤，Vivian雙手合十說：「唔好意思，真係唔方便講太多，係杜汶澤搵我的，其他真的不太方便講。（怕尷尬嗎？）唔怕。」
