Celia K.（郭穎兒）首部電影作品《一路向西》，雖然不用露點，但已有超性感演出，首日拍攝更有激烈牀上戲，她坦言猶如「下海」感覺，這次經驗令Celia更夠膽挑戰自己，不介意作性感演出。為了不要錯過表現機會，她更主動向公司要求今年再推出寫真集，強調不排除有驚人舉動。
Celia.日前接受本報訪問，回憶起拍攝《一路向西》時，最深刻依然是首日拍攝，「嗰日一嚟就要拍牀上戲，雖然導演一早已經同我講咗有呢場戲，連story board都睇埋，仲叫過我去試戲，但我扮型話唔使，仲拍心口話唔會縮沙，估唔到真係咁緊張。」
戴有色眼鏡
Celia K.續說：「我嗰陣時同張建聲又唔熟，全場人都睇住，我只係黐咗個乳貼，真係覺得好似「下海」做小姐咁，於是緊張到胃痛猛嘔，工作人員要即刻幫我按摩。我個人又唔衰得，應承咗就會去做，但拍完之後都忍唔住走咗入廁所係咁喊，拍完呢日嘅戲之後，我真係咩都唔驚，性感只要唔露點就無問題。」
談到成為三級片女星後，Celia坦承有不少人戴有色眼鏡看她。「試過去外地打碟登台，個老闆問我『點解你着咁多衫，你唔係拍三級片咩？』但我唔會介意，咪叫佢自己買碟睇番我係咪會露囉！」Celia K.坦言性格進取，所以主動提出再拍寫真集，「雖然今年係有電影工作，但角色未係好多戲份，我唔想停落嚟，出寫真可以保持住知名度，我同攝影師諗咗個好有話題性嘅主題，仲可能做啲豐胸療程嚟配合添！」
