眾星「阿爸」曾志偉為慶祝60大壽，早前自掏腰包請「仔女」遊世界，錢國偉拖埋女友陳宛蔚（Calinda）跟隊遊越南，「因為我們人多包了Villa住，兩天都係閂埋門玩，游水曬太陽，成班人玩吓笑吓幾開心。」Calinda坦言因HKTV未獲發牌而被迫停工，「都好唔開心，我不愛閒着等飯吃的人，學演戲都想有用武地。」
曾志偉60大壽玩到盡，豪請眾「仔女」遊世界，全程包食包住，上月拉隊遊越南，洪天明夫婦、姚樂怡、佘詩曼、文頌嫻、方力申等個個有份happy，錢國偉拖埋女友Calinda同遊，「成個Trip都好開心，我們人多可以包個Villa住，大家主要趁機Hea吓，大部份時間都係閂埋門玩，享受陽光與海灘，亦有出海睇日落。」日日閂埋門玩咁開心，難怪Calinda跛都要去玩。
103磅嗌好肥
Calinda笑言這趟旅程跟着Wilson餐餐擦到盡，「酒店安排主廚來招呼我們，日日自助餐，粉麵海鮮樣樣都好正，肥死我！」僅得103磅的你學人嗌肥，過份啊！
說到HKTV不獲政府發牌一事，年初簽經理人約的Calinda歎口氣說：「我返了四日工就叫停，好唔開心，學演戲都想有用武地，當日TVB都有加人工留我，但我真係想去HKTV試更多不同戲種，點諗到今日政府會唔發牌？你知嘛，在新劇《Night Shift》有場詐醉色誘林文龍的戲，我覺得幾有發揮，可惜現在被迫停工，Wilson知我唔開心，話想趁聖誕帶我去馬爾代夫玩幾日，佢猛話想去我都話唔准，《喜愛夜蒲3》就上畫，要忙做宣傳，點可以走去玩？」咩都幫男友諗，這個女友算係咁。
