錢國偉執導的電影《喜愛夜蒲3》成功攝上聖誕檔玩優先預演，速擸300萬票房，正當人人回味寸嘴Barbie老蘭打野戰夠激之際，來自馬來西亞、擁32E巨胸的林云不屑地說：「又唔係有露點，換我上場，點玩都得啦！」
簽了漢洋來港發展的她將「零底線」闖影壇，宅男粉絲有眼福。
講夜蒲艷史可去玩到第三集，錢導算係咁，新一輯《夜蒲3》玩偷情野戰，為出位，班囡囡個個去盡，雨僑激戰兩男、Jeana水底玩挑逗，再來個寸嘴Barbie剝Bra晒巨胸，真係睇到宅男眼凸。
寸Barbie膠紙波
只在戲中開場晒馬、船P玩水上飄的林云，去年中來港出活動速嗒陳冠希，32E變手枕成為一時熱話，亦因而獲電影老闆點名埋位，林云戲份雖少，但每次露面例谷行心口上頸，搶收視咁話，「都夾唔到期，唔係我實剝盡，有乜所謂啫，遮遮掩掩不如唔好拍。」林云坦言戲中班囡囡太保守，露得唔夠盡，「又無露點，全部黐膠紙的，叫人入場睇佢塊膠紙咩，我一定唔黐膠紙！」語氣豪邁的她影相時擺出多款性感甫士，把32E賣點展現。
想激戰梁朝偉
唔介意露點的林云早在馬來西亞出晒名，亦曾在台灣組隊出唱片，去年更簽約漢洋全力發展中港巿場，「主力在內地登台，亦在香港傾了幾部戲，我知自己賣點，講真，我無底線，要點玩都得！」林云表示剛在美國拍完電視劇，劇中有非常激烈的演出，而她亦十分期待來港開工，「睇對手啦，如果可以同梁朝偉激戰就最好。」係喎，同朝偉BB滾牀單，邊個唔想。
