張惠雅（Regen）最近推出親自作曲的《一個人的旅行》，該曲是她去澳洲遊學時所寫，最難得請來其偶像樂隊Supper Moment填寫令她感動的歌詞。近年Regen的緋聞不斷，早前跟張景淳的一段情更被指為第三者，感到受傷害的她，聲言暫時不會再拍拖，就算將來再有新戀情，也不會再衝動投入感情。
張惠雅最近推出新歌《一個人的旅行》，原來這首歌早在她到澳洲遊學時，因經歷過最低潮時有感而發所寫，「嗰時去遊學，但亦係人生最迷失嘅時候，因為仲諗緊返嚟香港之後，條路應該點樣行，好多嘢仲係諗唔通。」
喜跟偶像合作
Regen今次能夠請來偶像Supper Moment出手填詞，令她喜出望外，「我一直好欣賞佢哋，嗰時喺澳洲就係靠聽佢哋啲音樂過日子，佢哋啲歌畀到好多力量我，雖然我唔識佢哋，但同公司提議搵佢哋幫手，點知佢哋真係答應，啲詞仲寫到晒我心聲，真係好驚喜，希望下次可以同佢哋再有其他合作機會啦！」
由出道跟老闆薛世恆傳緋聞，Regen便被冠以「小三」之名，到最近跟藝員張景淳拍拖，亦再有第三者是非，Regen確為傳聞感到不快，更令她對拍拖有所改觀，「我始終係個女仔嚟，畀人話係『小三』當然會唔開心，同埋我真係冇做過嘛！依家真係會驚咗拍拖，就算再開始，都會用長啲時間去了解先。」
