謝安琪夠絕，憑《囍帖街》榮升天后即現真本性，擺款、囂爆不特止，又使橫手搶衛蘭飯碗，取代對方成為~H2O+廣告代言人，不過，有人見好唔收，繼續四出搶食，最新受害人正是人氣事業齊插水的梁詠琪（GiGi），有傳謝安琪索價300萬接拍Fancl廣告，明撬GiGi飯碗，收到風的GiGi極速以8折友情價續約兩年並於上星期為Fancl拍新廣告；打完仗，GiGi再到中環名店掃貨置裝，離去時，記者見她嘴藐藐與助手說過不停，唔知係咪討論謝天后為人呢？
　　以往待人友善的謝安琪（Kay），去年憑《囍帖街》跑出後，即不可一世，踩《勁歌》、割價搶廣告、天價賣歌權等，四圍辣火頭，是非不絕，換來人氣高企、收入倍增的她，即入住月租3萬的比華利山別墅做上等人，今年5月更會殺入紅館舉行7場處女個唱，水鬼升城隍，謝安琪惡晒。

謝安琪獅子開大口

　　近日廣告界盛傳，自恃聲勢強勁的Kay去年尾曾自薦取代GiGi接拍Fancl廣告，據知，Kay無意間獲悉GiGi與Fancl的合約將完結，即開出兩年300萬酬勞自薦做代言人，較兩年380萬的GiGi平足80萬，GiGi收到風後即把心一橫，以8折價304萬成功搶回合約。

「阿Kay獅子開大口，舊年佢代言紅茶廣告都係70萬，幾個月就升到300萬一線紅星價，加上佢條件多多，只肯拍兩個平面同一個TVC廣告，出席活動又要逐次計，計落條數，做生不如做熟啦。」知情者說。

　　上星期，GiGi火速與Fancl簽下兩年新約後，便為對方拍新廣告，前後不足5日，打完仗，GiGi再到中環名店掃貨置裝，全程風騷到爆，與店員有說有笑，不消半小時便買下一大袋戰利品，離去時，邊行邊跟助手細聲講大聲笑，記者見她等車時，突然嘴藐藐跟助手咬耳仔，GiGi說過不停，助手只敢點頭和應，觀乎GiGi的表情，看似是為自己近日遭遇不值。