周秀娜 （Chrissie）前晚率領旗下師妹及「新8模」等為暑假推出的寫真集宣傳，眾o靚模都要穿上比堅尼，一時間令泳池邊「波濤胸湧」，Chrissie無懼新寫真以3D洞房為噱頭，令她淪為男士發洩對象。
各o靚模簡介完寫真集後便進行下水禮，Chrissie除以知名度成全場焦點外，她穿着的白色比堅尼比較鬆身，走動之際大腿內側都清晰可見，非常驚險！
提到她的寫真集的主題是「度蜜月」，Chrissie表示：「寫真集和限量版的藍光3D Video都有故事性，而且是香港首次用此形式推出寫真集。」有報道指3D Video以「洞房」為題，動作及表情很具挑逗性，Chrissie說：「都會有，但其實以Sweet為主。」她更笑言由於3D Video有故事性，Fans買咗就變男主角，問可會怕淪為男士發洩用的成人光碟？她說：「唔怕！拍出嚟好靚㗎！」
此外，「新8模」前晚齊齊亮相，為了搶鏡，谷胸俯身已成指定動作，但亦要另出奇謀，Hidy首先跳入泳池，製造出水芙蓉Look，繼而Vibeke就擺一個離罩甫士任影。但最後都不夠Betrys突然大叫腳趾抽筋出位，談她可會怕被指扮嘢搶鏡，Betrys就說：「抽筋我都控制唔到，真係好痛！」
