《燒不完的鬥志》，Tiznow 鐵勝龍 - 賽馬文壇（回憶區） - 賽馬世界

mokin88

活躍會員

UID 2147
精華 0
積分 263
帖子 1639
港元 95 萬
存款 2620 萬
聲望 5
閱讀權限 10
註冊 31/12/2005

#1

發表於 20/6/2007 06:17 PM 資料短消息

《燒不完的鬥志》，Tiznow 鐵勝龍

鬥心是馬匹爭勝既本錢，香港方面我會想「必全勝」，

日本會想起「好歌劇」，美國就會想起「鐵勝龍」。

以下介紹正是「鐵勝龍」，此馬吸引之處，除左身型十足十打仔格，再加上一副永不言敗既鬥心。

其眼神比起香港馬王「精英大師」更具殺氣，情況就好似電影「洛奇」主角一樣，埋身時要設計打敗你。:bbb:

父系Cee's Tizzy係匹中下價既種馬，只曾在一級賽「超級打比」獲第三，成績顯得平平無奇。

母系更是一生苦戰十八場才勝出一場，好難令美國馬迷想起他將來是一隻一級賽冠軍既佳駟。

準繩忠心係他是寫照，除左新馬賽初出受意外得第六之外，其他所有場次都穩入三甲。

兩次挑戰一級賽都屈居第二，直至第三次挑戰一級賽「超級打比」才勝出，其姿態令人嘆為觀止！

破紀錄情況大勝六個馬位，不單為父親繼承勝出當年落敗既賽事，

更一上枝頭變鳳凰，一晚之間成為3歲馬既新星。

幕後野心當然唔細，藉著此氣勢報名參加美國每年既「夢幻決戰」育馬者盃經典大賽。

參加既對手當然唔係善男信女，其中來頭最響就是歐洲馬壇另一夥超新星「巨人長提」。

上屆盟主「貓小偷」力圖爭取二連霸，應屆肯得基打比冠軍「靈駒」（俊歡騰之父）亦有參賽。

如果數21世紀既經典賽事回顧，此場肯定穩佔十大，因為實在鬥得太精彩。:gggg:

「巨人長提」比「鐵勝龍」更厲害，一生未甩過Ｑ，猶如兩個拳手在台上鬥得你死我活。

美國傳奇講馬佬Tom Durkin直路更講出，A Heart-pounding，Pulsating Stretch Run！到至今亦津津樂道。

有馬迷說靳能心急早發力打多左鞭所以先鬥輸，其實大家看片段只嘆「鐵勝龍」鬥心太強吧！

頂得住咁強既衝刺，結果憑此賽績，當年既馬王就係「鐵勝龍」絕對係實至名歸！

這麼好鬥心既佳駟，結果在下年三月勝出一級賽聖雅尼塔讓賽後，結果受到病魔既侵襲。

正當幕後決定退役之際，「鐵勝龍」在六月奇跡地復活，比預期治療既時間早好幾個月，

為免令馬兒因傷而辛苦，最後目標決定育馬者盃就決定退役。

十月尾「鐵勝龍」上征途，應屆凱旋門冠軍「生氣」慕名而來挑戰；

入到直路上「生氣」首先突圍，佢就跟隨其後逐步逐步追近，激戰情況又同上屆一樣，

只是換了配角，雙方埋身肉博足一條直路，結果離終點50米，「生氣」在五萬三千人在現場見證下。

被「鐵勝龍」憑全身頑強既鬥志打敗了，結果他再創造歷史，成為美國首匹賽駒連續兩屆勝出育馬者盃經典大賽。

其後宣佈退役任配種馬，代表作即有Folklore勝出兩場一級賽，更遺傳爸爸性格，準繩忠心一生未斷三甲。