(河馬仔賽馬專欄)2020/07/12 - 「投注分享」 - 香港賽馬討論區 - 賽馬世界

河馬仔

虛擬馬主

UID 3620
精華 1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007

#1

發表於 12/7/2020 12:59 AM 資料短消息

(河馬仔賽馬專欄)2020/07/12

兩季累績 : - $223679

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

去到季尾近完結了，期待未來有緣再聚。

今次就選第十一場3班千二米呢。

5「精彩勇士」雖然隻馬未算好熟，而且今次真係冇左頓哥，但上次真係算幾進步，放得甚順，一條直路放頭尾輸隻可能超三班的「夢想成金」算係非戰之罪。今場對手雖然算強，但本身此駒上場走勢在田草的確有進步空間，再者能叔是此駒頭次發揮的騎師，千二米回氣位可能幫到此駒，二檔也是相當好位。

9「悅驫」上次縱使賺盡前段快步速，但今場個步速可能更快，此駒發揮有點難度，但一發揮到後勁真的得人驚，上場14檔都近乎路過對手，本身能力深不可測，升班就算對手跳一班也唔敢講佢能力去到邊。

3「醒目勇駒」上場真的可惜，如非沿途被頂出外疊，以及最後幾步騎得欠順，早已敲勝鼓。而此駒有欄發揮較佳，本身也是千四有能力的馬匹，今場步速應甚快應對此駒相當有利，也是黃金機會。奈何不明物體頗多。

四重彩腳
2「寶成智勝」就算不單計上場，前一場之對手也僅是休後復出之「威威心得」，而上場「發財寶」其實也意外地迫佢迫得極近，而事實佢走個位已是一絕。今場對手甚多快馬之餘，更非一堆老馬或等下季的份子，而排檔也較上兩場外，就算冠軍練馬師之爭也相當懷疑此駒仲有幾多水位在手。
13「會長之星」今次雖然換人DOUBLE加分，但此駒轉倉後的確醒神及壯好多，當然今次快馬極多，但唔排除此駒在呢兩季減分頗多後，仍有上升空間。
14「暖在你心」上場轉倉如此短操下，居然識得後上，而此駒以往外地前速制勝居多，上場早段留得太多但表現相當意外地好，今次突然用上巫生，係驚此廄少有雙龍出海，而退出一隻就打皇牌上陣，呢類馬又係幾驚漸漸變身。

其他
「合衷共濟」今次有停課之嫌，今季表現已是相當可人，剛剛一場也是發揮到盡，個第三要冇乜馬狂放鬥燒才得。「巡航導彈」問題就可能更加明顯，上場都已盡所能，唔怪得年哥。「友港友笑」上場表現不算太差，但季尾減分後可能有更好部署。「眾歡笑」上場就算因淋地才敗，但的確懷疑此駒上場可能一遇不利形勢係暫時冇乜特殊技能反先，而細馬呢幾場也是連環博，上場個發揮算係意外地弱。「再大大」隻馬都算幾急，加眼罩仲要一堆快馬同外檔就幾有難度。「歐洲福星」補出可能令個步速更快。「二話不說」田草千二未必唔識跑，但如以上場田草直路計，又的確「暖在你心」多點憧憬原因。「天天智庫」遇咁多快放馬相當大疑問。

(河馬仔賽馬專欄)2020/07/12真投注紀錄