2020年9月13日田草第8場3班1200米速評
2020年9月13日沙田日賽第8場賽馬分析
為大家速評第8場3班1200米賽事
https://youtu.be/zbewzT36ISM
呢場馬入面其實有好多途程好手, 但我相信熱門會側重喺兩匹馬身上, 分別係1號既輝煌芯同6號既顯心星。
1號輝煌芯可以話係明星馬, 1200專家, 上季5戰,4勝, 輸果次係漏閘, 3班頭馬, 跑法主動, 唔識後上, 守好位跑落似乎比較從容, 領放贏得憫水。試閘從容, 操練正常。唯一缺點係1000磅鬆啲既馬要負頂磅, 不過以往都試過交到頭馬。
6號顯心星, 後上實力強橫, 雖然係得4班賽績, 但明顯唔只4班實力, 有快步速幫助更佳, 正常步速下亦有競爭力。佢唔駛孭頂磅, 但跑法相對被動。
兩者馬比較之下, 我喺今場會秤高隻6號多少少, 整體形勢上今場會放頭既馬其實唔少
包括3檔既幸運傳奇, 5檔既巡航導彈, 6檔既軒轅齊飛。
呢幾匹馬都係慣性自己放, 出閘反映都唔錯, 當中更有2個減磅騎師, 相信步速唔會慢。
軒轅齊飛, 幸運傳奇呢對都係4班賽績, 要喺呢組3班突圍唔容易, 巡航導彈上季養得返後, 始終無前季既銳氣, 最後果200容易力弱。
輝煌芯會跟得比較前, 喺呢3匹馬領放下有機會會跟快左少少而蝕底, 反而顯心星就啱啱好, 顯心星更加試過做21.54既末段, 基於以上既理由, 我會秤高顯心星少少。
另外有實力既後上面, 我會喺同樂日, 醒目勇駒, 簹多福入面揀下配腳。
當中同樂日同醒目勇駒會秤高少少。
同樂日試閘出閘反應迅速, 但自己領放。3班賽績, 易位難贏。估計佢早段會喺輝煌芯附近既位置, 守住5,6位等待時機發力, 加上配潘頓, 都會增加返啲信心。
醒目勇駒上季受惠快步速, 喺B欄後上跑入第2, 試閘無特別吸引走勢。但始終末段經常有唔錯既衝刺, 有步速幫助下要留意。
簹多福上季尾喺正常步速下A跑道後上追入第4, 配賀銘年, 4歲馬要搏下有無進步。
所以今場既心水選擇會係6號顯心星,1號輝煌芯, 4號同樂日, 2號醒目勇駒/ 3號簹多福。
#賽馬分析 #賽馬貼士 #香港賽馬
|
