河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 20/6/2010 12:23 AM
資料
短消息
|
(河馬仔專欄)6月20日六榕仙館素菜評論+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
馬場樂子：家姐,今次又講食了,之前有讀者來信話希望我地『馬場對對子』講一講素食,因為有些市民認為可以幫忙減減碳呢!
馬場彩珠：我地兩位今次試試素食減到幾多碳就未必好顯著呢.但素食在香港中亦非常受歡迎呢.
馬場樂子：唔........香港有好多素食店,有中式西式新式舊式都有,還是選一間歷史悠久的素食店...噢!這店看來非常老字號呢!
馬場彩珠：咁不如開估先,今次討論的就是位於佐敦道之六榕仙館啦.
馬場樂子：1968年.........距離現在都有42年了,比我們加埋的年紀還要大呢!
馬場彩珠：能夠維持42年唔簡單呢.樂子,您做乜爆我地兩個的年紀呀!!!=_=!!!
馬場樂子：係噃^_^"不過此店原來由一位鼎鼎大名之著名粵劇演員何非凡先生開設呢!
馬場彩珠：先生的唱腔也是自成一格,非常獨特呢!
馬場樂子：原來此店有如此之歷史真的不講不知呢!不如我地點點一些食物先.
馬場樂子：來到六榕仙館又豈能唔點六榕會飯呢.
馬場彩珠：好呀,另外我要個素鮑魚粒崧子炒飯呢.
馬場樂子：加多個小食呢,齋鹵味唔少得啦!一齊SHARE來食啦!
馬場樂子：素鮑魚粒崧子炒飯好大碟呢,果然碟頭好大呢,飯炒得夠乾身,最好味的就是崧子炒得夠香,加上蔥粒,雖然感覺平實但幾彈牙架!素鮑魚亦都幾爽口的.
看板娘---馬場樂子---對素鮑魚粒崧子炒飯之評分:
 
馬場彩珠：果然連六榕會飯都好大碟呢,飯多之餘菇類亦多,而且飯亦唔太濕,豆腐乾,菜蔬,竹笙等等亦煮得非剛剛好,六榕會飯都係實而不華呢!
看板娘---馬場彩珠---對六榕會飯之評分:
馬場彩珠：嘩!齋鹵味都係好多樣野噃,唔只得甜酸齋,好似個大拚盤咁.個齋叉燒非常有咬口呢,而且連素雞都頗有豆香,整個拚盤其實一點都唔搶喉,味道亦絕不單調.
看板娘---馬場彩珠---對齋鹵味之評分:
馬場彩珠：樣樣都咁大碟頭,而且價錢亦唔貴,抵食呢.
馬場樂子：四十幾年的老字號果然名不虛傳呢.佩服佩服.
馬場彩珠：現在仍能食得到傳統的味道已值得鼓掌呢.
看板娘---馬場樂子---對六榕仙館之評分:
河馬仔第一,九,十場心水選擇:
第一場:
10. 齊齊掂 - 上場冇跑兩個月下,雖然都有快跳,但在狀態未到最頂尖下都追得唔錯.而最有看點的就是該場最後一百米到此駒其實都一路在秒秒領先後面跑,實際上走勢跑多二百應更可人.晨操居然見到練馬師華哥親試泥閘仲要有埋快跳,理應值得捧場
其餘選擇:
9. 辣得喜 - 上兩場大幅落飛泡湯,但兩場皆在外疊被頂.爆發力唔強之馬抽回內檔會較好形勢.如今場都唔得就可能實力所限
2. 我跑得 - 此駒拍創造傳奇可在一望空後便過哂前駒,狀態仍可而未過瘦,12檔縮埋衝一段仍可諗
4. 秒秒領先 - 上場狀態唔好都近,雖然狀態未太有起色,但望此駒趁穩之下入位
是場心水:
10. 齊齊掂 - 9. 辣得喜 - 2. 我跑得 - 4. 秒秒領先
第九場:
5. 旺家多寶 - 講真上場雖然被告甩,但講真其追勢的確比易博贏強.今場仲要快馬咁多,16號快跳兩段極爽而勁力足,補中機會來了.
其餘選擇:
1. 納帕二號 - 上場僅在蝕位及形勢下僅敗超級之太平星腳下絕對吸引,此駒已是可居中可留後,晨操比上兩場更爽朗.
6. 銀太陽 - 此馬一好三班夠跑有突,晨操快踱仲要火噴噴.
7. 卡加大師 - 上場沿途大外疊的確可以當冇跑過,今場容易有cover得多,不過還要睇鞍上人點跑就真
是場心水:
5. 旺家多寶 - 1. 納帕二號 - 6. 銀太陽 - 7. 卡加大師
第十場:
10. 雄風 - 上場非常不幸就是一起步起擒後失位唔少之餘仲要沿途搶口,轉彎後飛出大外疊推了一段都敗象已呈之後便收慢了.還是當試閘算了.如真的谷草比田草好的話,今場對手非太強之下要捧多次
其餘選擇:
7. 穿針引線 - 雖然此駒泥地好得多,但上三場真係場場飛出外面之餘仲要有時都冇遮冇檔.今次有番內檔,如立心唔走外面的話,狀態在快踱之下絕不比贏馬差.講真谷草近年來並未證明太過唔得的話,何況一試?
5. 永勝多 - 試泥閘柏寶立心狂省之下彈力尚足,當然狀態非最銳但對手唔強之下仍唔敢飛
3. 愛跑得 - 雖然上次最後幾步可head住共創未來來贏,講真就非常吸引.不過此駒上場其實係一隻馬控制了全場的步速下制勝,今場對手差但可能有快馬,宜拖多過做馬膽
是場心水:
10. 雄風 - 7. 穿針引線 - 5. 永勝多 - 3. 愛跑得
馬場彩珠三寶提供(總共廿七注):
第八場: 2. 輕輕鬆鬆 4. 期望 8. 大進
第九場: 1. 納帕二號 5. 旺家多寶 6. 銀太陽
第十場: 5. 永勝多 7. 穿針引線 10. 雄風
又到四年一度之足球盛事,大家都唔介意捱眼訓為愛隊打打氣,河馬仔都唔例外地會支持英格蘭隊,希望能奪得好成績.
<河馬仔專欄>及<賽馬WQT>看板娘---馬場樂子都應下節,今次穿上足球衣,夥拍小馬球證,同樣在綠茵場上同大家見面.
以下有兩個SIZE選擇,由河馬仔出品,夥拍同人組織---天空音匣繪製而成一起設計,由天空音匣之畫師Mineko負責執筆繒畫,以<共享創意 署名-非商業性 3.0 香港 授權條款>發放:
1650 X 1050:
http://img.hkheadline.com/headline/blog/album_photos/57/44/150556/2/201006021743352271_1600x1600.jpg
1024 X 768:
http://img.hkheadline.com/headline/blog/album_photos/57/44/150556/2/201006021743218213_1600x1600.jpg |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
