活動時間：8月30日 至 9月15日


歡迎分享你下季心目中的銀行馬


聲望 分為 4級 ... + 3 , +5  , +10 , + 15 ...
寫得愈詳細當然愈好
---

主席
想問有冇限制每個人提供銀行馬嘅數量

RE FASTNET : 無呀

係咪逐匹計聲望

整篇質素計 ... 但係每人一次發表

明白

小弟覺得既然能被稱為"銀行馬"，所注重的應不是實力，而是評分有幾多上升空間.以此為標準，小弟24廄各提供一匹值得關注的銀行馬...以下內容只代表個人觀點，不喜勿插

1、蔡約翰---捲土重來(目標評分:110)

初出狀態未足都敢監生吞，質素甚高.
第二仗轉跑草地抽到14檔非常不利，面對一眾三班強手末段仍然可以保持走勢唔斷，勁
因為飛燕帶憾退役，練馬師團體陣容鼎盛，相信神仙必定對此駒更加重視，不會怠慢
保守估計3W在手

2、約翰摩亞---魔法豪情(目標評分:120)

3歲北半球仔初出跑1200以末段21.92衝入殿軍，已一鳴驚人
翌仗增程仍能入Q，確認質素超群
外地只跑四仗，所用不多，今季必是大摩同蕭家爭奪四歲大賽的重量級棋子

3、告東尼---加州金鑽(目標評分:60)

加州系向來鬥志鮮明，金鑽跑好多場都無出彩表現，評分已下調到38分
此駒在五班絕對大超級，燈塔島仔仔轉四歲表現會越加成熟，希望可以反彈到四班頂的水平

4、方嘉柏---飲食世界(目標評分:110)

我始終唔相信飲食世界只會停留在如此水平(直覺)
希冀可以成為下一匹綠色駿威，應該專攻田草1200

5、霍利時---金獅福將(目標評分:90)

可以在新馬賽贏到牛精叻仔冇得跑，質素不用懷疑
深得霍老爺的器重，只要健康正常，新季在三班短途必定分量十足

6、賀賢---超凡夢想(目標評分:100)

同星航渡單打獨鬥，再出亦能入Q，結合此馬仍然非常稚嫩的走勢
可以預期新季成熟後戰鬥力會提升到一個更高的層次
被眾人寄予厚望的馬

7、苗禮德---龍城勇將(目標評分:100)

同樣初出一鳴驚人，竟能以兵不血刃的姿態橫掃各新馬
此駒只得3歲，血統卓越，可望扶搖直上

8、蘇保羅---活力小駒(目標評分:90)

O‘Reilly，蘇保羅，是否有熟悉感?
兩次試閘出腳稍亂仍能交出強勁走勢
只要健康保持(拜神都求Paul So唔好操壞佢對腳)，我會認為牠是下一匹友誼至上

9、胡森---索咖啡(目標評分:110)

見達少點都要搶到索咖啡的帥權就知此駒實力有幾咁恐怖
剛剛一課試閘出閘慢，但一到直路即從馬群中勁勢撲上，盡顯實力
馬主已講明此駒會向經典一哩賽進軍，大家可拭目以待，唯一擔心就係胡森的功力

10、葉楚航---君子協定(目標評分:90)

3歲仔上季用得不算多，田谷皆能，鬥心強橫
邁入四歲會更進一步，可望躋身高班

11、沈集成---錢照收(目標評分:80)

上季初出一役真係嚇親我
前速飛快到得人驚，末段竟然可以唔斷！
跑法與同主馬錢照贏太相似，此馬跑短途肯定大把世界

12、李易達---大家關心(目標評分:70)

陣上已有不俗表現，目前只評46分，個人估計評分會有20分的水位
但目前大家關心並未復操，李易達近年又實在令人無法信任...
希望唔好嘥左呢匹直路賽好手

13、文家良---特務飛龍(目標評分:70)

73分PP轉左兩次倉，一直行緊減分直路
終於在季尾一戰第一次拎到獎金，而且表現仗比仗進步
轉往文廄可見幕後決心，此駒只不過4歲而已，有力低位反彈

14、告達理---陽明囍囍(目標評分:100)

轉往大告處後此馬脫胎換骨，先是力逼直路賽好手帝聖好好
此後一仗1000直路造出56秒內的極速，段段快掟甩追兵，表現非常驚人
此仗已有二班的水準，囍囍初出即成為熱門，可見幕後自視甚高
所用不多，只要今季再有進步，在三班直路賽幾乎難覓敵手

15、呂健威---有盈加瑪(目標評分:80)

外地試閘輕鬆掄元，在港試一次閘即被達少摸實，沿途按韁而馳
走勢異常輕鬆，腳法、型格俱十分出眾
52分起步當然有著數，可望在新季短途賽發光發亮

16、吳定強---金珀龍華(目標評分:90)

龍華系擺在大夫倉，而大夫甚為重視，甚至一反常態替金珀龍華進行加倍操練
重視程度不言而喻.有質馬在田草谷草短途都可也文也武

17、蘇偉賢---金龍華(目標評分:90)

後勁驚人之馬，近期已被雷神吼住
轉5歲會更加成熟，可望與廄侶福爾摩斯看齊

18、容天鵬---永同天下(目標評分:90)

外地戰績甚為強勁，在港第二仗即可劣勢下入位
今季亦只不過4歲而已，有20分以上的進步空間

19、姚本輝---天心星(目標評分:90)

姚本輝對牠並不心急，估計會留待今季再用
兩勝直路賽已經盡顯實力，若適應谷草短途又會多個出路

20、何良---高嶺福星(目標評分:95)

可以力逼追風駿足同福毅，此馬有幾多大家可以估計得到
可惜上季流鼻血，抖左好耐
所幸最近操練已恢復正常，希望何良唔好再浪費子彈

21、徐雨石---金銀花(目標評分:60)

轉徐廄後金銀花成熟續添，田泥皆能
此駒出路非常廣泛，只要今季繼續進步，4歲仔反彈到四班頂甚至三班絕非怪事

22、鄭俊偉---駕悅(目標評分:80)

試閘贏正大光明N個馬位，來港初出未熟即入Q
以正大光明的表現計,駕悅潛藏甚厚，新季要贏上三班絕非難事

23、孫達志---包裝鬥士(目標評分:110)

能跟擅鬥，忠心準繩.可以贏到桃花心，季尾三連捷，已正式宣告適應水土
新季極受孫達志重視，倉內子彈不多，光頭必會用心訓練此駒成鎮倉寶
有望衝擊分級賽

24、高伯新---凱歌動(目標評分:90)

靚仔馬...腳法型格出眾，但姚本輝卻無法發揮牠在外地賽時的表現
希望高生可以為此駒帶來不同的元素，計馬在二班都會有很好的競爭力




[ 本帖最後由 雄心威龍 於 31/8/2014 08:22 PM 編輯 ]

很多馬評家都會講到 季尾的賽事雖然通常水準較低
但往往就係潛伏著唔少下季好成績ge質新馬或係減分過晒龍ge舊馬
係俾佢地係暑假後再進一步的好機會

而我想介紹呢3隻銀行馬 都分別來自5同馬房
而且來港之後ge里程 都未算好長
佢地分別都係季尾賽事 顯示出佢地有一定實力係下季交出頭馬
甚至作出大反彈

第一隻-連冠勇將(呂健威)


或者大家都對呢隻白鼻馬沒咩印象  而佢係一隻P字布馬
2013年7月已開始進行操練 10月同11月分別都曾經試閘
走勢不俗 但都未獲練馬師安排上陣
可能因為連冠系一直支持馬房 所以希望操得足晒先上陣
最終直到上季尾6月先開上戰陣

結果6月8號先跑第一場 當日為B+2跑道 排10檔
出閘後 分別有多隻前速銳利的舊馬 為左賺形勢而希望能放頭
分別為一定旺,元豐泰,乖乖寶貝同初出的錢照放
結果導致頭2段分別都快左接近半秒 結果最後因為快步速及沿路3疊而導致輸左7個馬位俾世界都市

而6月28號個一場 雖然為A欄 但係接近季尾場地偏快 當日如海南花梨,御鋒呢d放頭馬都可以一放而回
繼續排14檔 並嘗試留後跑 由於步速平均的情況之下 馬群塞埋一舊 變相佢需要沿途走4疊
但係未段佢仍然可以爆一段23.04 可見佢有一定潛力

休季後 操練循序漸進 而且亦都吸引潘頓重新操練此馬 相信係4班超級 應大概有2W在手


第二隻-大眾良駒(文家良)

此馬來港前曾2勝澳洲大爛地的1000賽事 被馬會評下71分
之後總共跑左15場賽事 全部落第 直至最近2場係5班先開始有獎金
表面上係一隻極為失望的PP  不過其實隻馬係季尾的最後一場已顯出其超5班的走勢
相信有力作出逆轉

隨著14場的敗仗 大眾良駒已由71分的3班下降至5班
文家良安排佢增程跑1400米 希望可以有較突破性的演出
同為6月28號的賽事  前領或居內欄的馬匹較著數
該仗佢排係13檔 沒辦法可以埋到2疊 不過有前面童夢作為遮檔
以其首次增程,當日場地及沿路3疊的走勢 理應在末段墮退
不過在直路頭 佢卻曾經一度出頭 拍住寶成智星
最後100才被藍色海灣 威威大少趕過
輸3個馬位俾四五班升降機的蜚聲國際

可見隻馬已經逐漸進步 評分也相當有利 而早幾日的試閘 在郭能輕騎下 也能拍得住幸運新寶
暑假後也進步不少 相信練馬師會盡快交代

第3隻-精彩時機(蘇保羅)

Paul So處理新馬的方法  予人一個緩進,慢熱的印象 與苗禮德的手法大相逕庭
而呢匹精彩時機也是同樣的處理
前季的5月開上戰陣 在安國倫的輕描淡寫的騎法下 得到相當不俗的第6名
但該仗之後跑沙田表現平常 欠缺威脅

之後一季 Paul So依然沒有刻意調整操練方法 等隻馬自然進步
上季跑頭7仗繼續沒有威脅 直至最後一場終於有一定賽積考證
在跑1800的一場之前 練馬師曾經為此馬報名谷草1650米賽事 但卻只能列為後備一而沒有出賽
由於谷草的工程展開 練馬師最後報名1800賽事 而且在季內首次安排使用外籍大師傅的柏寶上陣
出閘後 首次安排跟前的跑法 跟在愛得過及小林夜雨之後居第3位

但係在第2,第3及第4段 愛得過不願讓小林夜雨自行放頭 因此呢2匹馬開始鬥燒 互不相讓

第二段22.44 比5班標準時間快半秒 第3段最為誇張開23.92 比5班標準時間快1秒半
第4段則仍然快超過半秒 可見步速完全不利於前置馬匹
結果放頭的5班Winner愛得過在末段潰敗 小林夜雨靠班底捱入第3
而精彩時機也只負於小林夜雨2個馬位 在增程,超快步速之下 仍有走勢 證明隻馬開始進步

在暑假後 隻馬被評至21分 在淘汰邊緣 相信馬房會開始為此馬爭取成績
谷草1650應為最佳的路程  為馬主交代

聲望已派發。