孫柏文今日要分享一個故事，如有雷同，純屬oh well。
禮拜六早上，OP起身第一件事，就係睇吓自己部手提電話。點知一睇，就見到練馬師XS嘅短訊：「OP，因馬會剛打電話給我，馬匹數量過了馬房數目上限便須罰錢，我想請您幫一個忙，暫時將您匹馬轉馬房，我馬房一有位便馬上與您聯絡，不好意思，為您帶來不便。XS」
OP一睇諗：「嘩！俾人趕走！」事源OP同三個拍檔，四人一齊夾份養馬。點知匹馬來咗香港差不多兩季，斗零獎金都未贏過。不過匹馬暑假落到得廿幾分，來季唔係冇機會。甚至練馬師XS本身都歷年來話匹馬喺四班都有機會。點知，練馬師辭職。
咁四個收到辭職信冇話唔開心，始終都係part of the game。馬會定下60匹馬嘅上限，取捨就係必然。
不過，隨之而來嘅問題就係去邊呢？件事突如其來，仲要嗰刻深覺匹馬「此地不宜久留」，OP都想嗰日走。不過，首先邊位練馬師仲有位呢？上網摷，作為個馬主，馬會網頁完全冇用。喺「練馬師資料」下，根本冇資料講每個倉有幾多馬，國家機密咁。(編按：練馬師養馬數目在馬會網頁「馬匹資料」一欄中可看見)
仲要可以攞到馬房聯絡資料嘅賽事部禮拜六唔返工。所以，想呼籲所有練馬師，你想掃馬走，都等到賽事部返工先。因為你急想人走，人哋都要搵到棲身之所先。
好啦，四個拍檔總動員四出刮電話號碼，因搵唔到聯絡資料，唯有等到賽事部返工啦。OP禮拜一起身九點幾，打俾賽事部，搵練馬師電話號碼。點知賽事部有位中女職員態度極惡劣就咁一句：「呢個係managing partner先攞得，你叫佢打電話來。」嗰吓OP差啲F出來。
練馬師想匹馬走，OP同拍檔想走，馬會網站冇用，搞到四個柏檔總動員去搵，而四個中的managing partner本身自己都搵緊。OP話點知個練馬師喺你馬會想罰款下，因匹馬走得慢，打跛匹馬去攞位。咁急，賽事部同佢講呢啲？到managing partner攞電話號碼時，馬會只肯俾馬房地線電話，仲要冇人聽！OP最後要搵佢寫專欄嘅報紙，問馬版編輯，先攞到練馬師手提電話號碼，whatsapp佢。
OP話，由抽到馬嗰刻開始，就算匹馬幾冇用甚至被人掃走，從來未後悔做馬主。直至到經歷過懇求賽事部賜資料，第一次有衝動唔想養馬。賽事部good job！
copy 一次先
孫柏文個網上專欄,
有幾次同即時新聞個篇有唔同, 有頭冇尾
e.g.
http://hk.racing.nextmedia.com/a ... amp;tt_cat=17035007
http://hk.racing.nextmedia.com/a ... amp;tt_cat=17035007
http://hk.racing.nextmedia.com/a ... amp;tt_cat=17035007
http://hk.racing.nextmedia.com/a ... amp;tt_cat=17035007
