成日都話寫某評馬人嘅野史，趁今日得閒就講返呢單嘢。
寫呢篇嘢嘅主因，係因為某次睇賽後節目，Running妹一見到Simon L即刻※到上天花版，
講開之下原來呢位人兄有好多搞笑嘢及On 9 嘢。
話說小妹喺PCCW天水圍某街鋪做Sales，本身喺天水圍居住嘅L君經常走落嚟問機價問Plan，但問足成個月都唔買，咁搞法自然成間鋪啲Staff都好憎佢，一來得個問又成日走嚟混吉，二來覺得佢有咁上下收入連呢啲婆乸數都計到咁盡，成個度叔咁款。
好啦，到個幾月後佢真係走嚟同老婆出機啦，出個Plan已經係平，但佢係都要話平多幾蚊、仲話要送呢樣嗰樣，係都要摞到盡。
但呢樣都唔算好笑，最搞笑係兩星期後，佢拎部S3嚟問啲Fuction點用，大佬你唔識睇說明書架？佢問嘅嘢樣樣都可以睇說明書就解決到，咁你落嚟問做乜？
而最過癮嘅係，佢好多時係走落嚟同啲Staff吹水，當然係講到佢幾咁識馬，喺馬會及商台幾咁英明神武，不過佢俾咁多次貼士(仲要話贏硬)，全部炒晒。
結果而家都唔敢再落嚟。
Running妹已經講明：佢一落嚟即刻當住佢面問「仲有冇山埃貼士啊？」
至於佢有冇戴住假髮出街？話說當日睇賽馬結果時，Running妹話「佢成日都係咁嘅Look落嚟」，之後我話「佢係地中海架！」佢即刻笑到趴街！
至於大家信唔信？反正我就信！
[
本帖最後由 Running 於 5/9/2012 02:46 PM 編輯 ]
