Running季初即食馬推介 - 香港賽馬討論區 - 賽馬世界

Running

虛擬馬主

UID 2195
精華 36
積分 1352
帖子 25073
港元 2750 萬
存款 10 萬
聲望 30
閱讀權限 20
註冊 1/1/2006
來自 Around the World

#1

發表於 2/9/2007 12:22 AM 資料短消息

Running季初即食馬推介

常言道「老馬利季初」，但總體o黎講，作戰經驗多o既中年馬，只要唔係搏殘，季初狀態點都會起得比質新馬快。

而經過四次試閘、以及睇過部份晨操片後，以下三隻中年馬，狀態已經有一定水準，足以o係季初時段即用。

1. 旅遊領隊：其實早在7月中，此駒已經開始游水，先進行基礎訓練及減肥；進入8月份，就安排出外圈及內圈快踱，一星期後(8/9)更加開始快跳。

直到現時為止，佢已經快跳o左7課，今日更安排與盈然贏拍跳，而游水踱步呢o的工夫當然冇停過，初步所見狀態已經有九成水準。

再睇埋呢隻馬上季季初成績，頭三個回合已經有1W2P，似乎大告明白到呢隻馬季初係出擊時機，難怪今日報紙訪問都話以開鑼戰四班1600為目標；既然練者刻意造就，加上馬匹狀態已起，相信季初頭三個回合，在1600-1800米賽事中可以有三甲。

2. 駕進：由於前季搏得太盡，上季幾乎大部份時間此駒狀態都頗為低沉，但每次出賽都輸唔遠，證明馬兒並冇搏殘之餘，評分更由上季o既95分，減到而家o既85分，已經可以進入二班o既弱組搏殺。

操練方面，此駒7/16開始游水，到7/30已經正式出大圈踱步。要留意o既係，進入8月後，頭一星期係助手負責操練，但一星期後就已經由副練接手踱步，甚至快跳；而8/17號直到而家為止o既4課快跳及一次試閘，全部由柏寶一手包辦！重視程度如何大家心中有數。

當然我地要睇埋狀態是否ok啦，以8/31課閘o黎睇，起步雖然慢，但柏寶推幾步隻馬已經自動跟守好位，而且入直路前所見，柏寶按實但馬匹腳頭及速度頗勁；進入直路後，柏寶刻意推騎省馬，反應相當良好，雖然最後被包裝大師趕過，但細心留意係柏寶推騎越過超力旺後，已經收疆而回，似乎試閘目的係提升馬匹作戰狀態，而從今次o黎睇已經係做得到，馬匹新鮮感十足、作戰狀態遠比上季為佳，以現時評分及班底，o係二班區域跑1600米非常著數，初出已經可以捧場。

3. 勁財寶：上季剎科戰爆大冷後，方仔刻意等到7/23先俾佢復課，但只係游兩課水後，佢已經可以出內圈踱步。如是者一直至8/14先開始做第一課快跳，到目前為止只係做o左5課快跳功夫。

你可能懷疑隻馬快功夫咁少，到底夠唔夠時間操起狀態？睇埋8/31課閘就知道。

起步此駒非常迅速，但戴勝立即捉實並拖至包尾，不過沿途所見馬匹腳頭強勁、身型頗為結實，已經見到有一定作戰水準。

進入直路，戴勝刻意拉出大外欄、並不斷輕騎考驗，馬兒逐漸交出強勁衝刺；最後150米左右，戴勝刻意大力推騎省馬，馬兒衝刺更加強勁，就算最後50米戴勝已經收疆，馬兒衝勢冇減弱之餘，更越走越勁，將內欄兩匹馬越過。

由此課閘所見，馬匹狀態提升相當快，而操練上之循序漸進，令呢匹中年馬培養出新鮮感，呢樣兩o野加埋，季初頭兩三個回合已經可以出擊，跑1200或1400米可以捧場。