日期：馬季完結後某個星期六/日下午，1400左右開波
地點：我們賽馬台的直播室，近葵興地鐵站
人物：參賽人數，我建議8人。比較容易安排。
我建議參賽費每人100之類，FOR買獎品及零食酒水之類，至於每場賽事的注碼，就可以由參賽者每場賽前自行決定，你鍾意SIDE BET手手腳腳賭J都得
，與賽會無關﹗
8人參賽，到時應該會比賽8場，6場初賽，1場名次賽爭5至8名，1場決賽爭冠亞季殿軍。
每位參賽者皆會參加3場初賽，並保證最少與其他7位參賽者最少對碰1次，以示公平。
經過6場初賽，當然是最高積分的4位入決賽，其他的玩名次賽啦﹗
至於計分方法，我建議如下：
得分方法有三種，第一種係打人飛機----
一次擊落對手一隻飛棋，+20，而被擊落的對手-20。
一次擊落對手兩隻飛棋，+40，而被擊落的對手-40。
一次擊落對手三隻飛棋，+80，而被擊落的對手-80。
一次擊落對手四隻飛棋，+160，而被擊落的對手-160﹗﹗
第二種方法係自己0既飛機埋州----
一次一隻飛機埋州+60，其他三位對手每位-20。
一次兩隻飛機埋州+120，其他三位對手每位-40。
一次三隻飛機埋州+240，其他三位對手每位-80。
一次過四隻飛機埋州+480，其他三位對手每位-160﹗
第三種方法，就係最先四隻飛機埋州者，當勝出，該場賽事亦會完結，勝出者+150分，其他三位對手每位-50。
P.S.一次過疊四隻飛機當然係危險，亦會成為眾矢之的，但如果一次過疊四隻機安安全全先到終點，可以一次過得到480+150=630分，正所謂有危自有機，大家自己衡量啦﹗
為左加快比賽節奏，我建議所有比賽都用兩粒骰進行，逢擇孖骰或七點即可起機，如果唔係賽到第五六場觀眾會開始好悶﹗
其他規舉都係跟番一般飛行棋例咁啦。
至於冇份參賽0既朋友們，都可以安座家中，欣賞到時RW賽馬台的全程直播
，仲會有即場「飛機彩」畀大家投注賺RW幣
，當然唔少得騎呢聲望遊戲估冠軍，或者估邊個畀人打最多次飛機之類﹗
又為左方便大家博彩，我地會直情好似搞到跑馬咁，賽前一日就會確定參賽的八位選手，以及六場初賽的「排位」：即係每場初賽係由邊四個人對碰，每人抽倒咩顏色之類，紅黃藍綠，我建議硬性規定紅棋先行，排位時大家已經知邊個行棋先，有「偏差」畀大家則下，增加投注樂趣﹗
至於博彩方法，建議如下：
每場賽事均設有獨贏(一賠三)，連贏(一賠五)，及四重彩(一賠廿三)，特別彩池可以有孖寶(一賠十五)，決賽八連環即係估中哂名次賽及決賽兩場賽事的順序名次(一賠五百七十五)﹗嘩，係唔係好和味先﹗
至於聲望遊戲，估冠軍，或者估邊個畀人打最多次飛機咁，相信都唔少得，但可能會失驚無神可能會畀大家估下「飛神首發事件」估下佢係爆粗先呀，畀人打飛機先呀，定係連打十次骰都起唔倒機
之類，都可以。到時再定﹗
以上只係我個人的初步提議，未經其他賽馬台同僚討論，亦未落實，大家可以隨便討論，隨便發表意見，期待大家會有更抵死更好玩0既建議﹗
