書展正式開鑼，?模寫真「胸」戰展開，今年以全裸出戰，先聲奪人的黃榕，起步差點脫腳，先未及通過淫審處審查，再者要轉換發行商，最後更要自行包膠加警告字句，一波三折之下，書展開幕日仍未能出售。經過黃榕連日來努力，寫真終宣佈成功在書展開賣，相反死敵Phoebe（許穎）則被禁售，終於吐氣揚眉的她，可以鬆一口氣，即時相約好姐妹齊齊做Spa慶祝，順道按摩減壓，備戰未來連串宣傳活動。
黃榕首次以老闆身份推出個人寫真《裸愛黃榕》，更以全裸做賣點，雖然成功得到注意，但亦因未出版過寫真，不懂程序差點白費心血，書展前夕才知要經淫審處審查，若然未經審查在書展出售，有機會被檢控。
送海報答謝Fans
為此黃榕即時更換發行商，更漏夜親自包膠及加上警告字句，開幕當日她還親自到書展找發行商商量，「雖然之前諗住放唔放喺書展賣都無所謂，但係始終書展比較有代表性，亦都係最好嘅宣傳渠道，盡最後努力去做，但頭先畀咗本書發行睇，佢哋話警告字句尺寸唔啱，要再整過先至得。」
當日黃榕跟發行商商討之餘，順道跟好姐妹LuLu（王璐瑤）交換寫真，兼巡視其他靚模寫真銷情，即時引起大批宅男粉絲圍觀，爭相影相合照，黃榕亦相當識做，大派封面全裸海報，其間就算被宅男攬腰摸股亦無計較，可惜一度被投訴阻礙其他攤位，黃榕即時識做快閃。
禁售屬意料中事
黃榕積極爭取下，昨日終於宣佈寫真可在書展開賣，她開心感激一班粉絲及傳媒支持，更即時相約好姐妹LuLu齊齊去做Spa減壓。對於死敵Phoebe偷雞不送檢引至禁售，她不禁幸災樂禍，「我啱啱去完內地登台返嚟，先知道呢個消息，佢本寫真咁意識不良，禁售係意料中事啦！」
同行的LuLu亦幫口踩多腳，「佢本寫真宣傳咗咁耐，啲相都畀報紙登咗出嚟，依家反而無得賣，真係幾好笑㗎！不過今次應該無?模會同情佢，佢唔遵守遊戲規則，應該預咗有咁嘅結果，加上佢鍾意踩住人上位，成日講嘢得罪人，呢行都冇咩朋友，祝佢好運囉！」
