慣性谷咪又夠搏，TVB咪神高海寧確實人見人愛，上星期孖蘇民峰主持玄學節目《順風順水》殺入旺角講古，34E迫爆透視裝，引來大批餓男埋身妄攝，鏡頭對準高Ling上下身，高炒Close Up追住影，輕易Fight低同場的何傲兒，還帶挈阿媽銀器檔，拉隊落場睇面相，開口埋口讚老闆娘「無呃秤」，宣傳易都冇咁好功效，高Ling萬歲！

　　做人最緊要目標明確，高海寧自知要上位，事必要露，事業線逐吋賣，加上電影、電視劇、主持瓣瓣有份玩，叫做搵到個錢，「有錢收，高Ling唔介意露肉，但一定唔可以被人感覺好Cheap。」知情者說。

　　拉隊撐阿媽

　　喊還喊，高Ling繼續露，博上位指數爆燈。上周五，蘇民峰一拖二殺落旺角講古，先達、奶路臣街、朗豪坊、麥花臣再到女人街，站站停，透視裝窄皮褲上陣的高Ling表現風騷，任由途人追住影，反觀同場披Fur露腿的何傲兒無乜人理，一句講完，無癮。


　　透視爆乳現身旺角，高Ling全程被人追住玩妄攝，天黑打燈效果更爆，當高Ling拉隊落女人街拜訪其母的銀器檔時，困獸鬥情況更失控，人人高舉手機玩高炒，「高Ling呀！」之聲此起彼落，高Ling母女扮唔識，蘇民峰率先開口贈言，狂讚高母「為人老實無呃秤！晚年可享子女福」，伯母聞言笑到見牙唔見眼。問蘇民峰節目有乜新意，「要多�蠷禲A真係實牙實齒周圍去研究風水龍脈，下一區去邊？未定喎。」邊走邊唱式拍節目，真係蘇師傅至得。