早年由黃汝安訓練的「引伸波幅」，在鄭雨滇胯下錄得一季五捷佳績，令馬迷留下深刻印象，但隨住馬主傅果權處理官司問題，「波幅」系絕迹馬場一段時間。直至剛季傅太柯亦凌名下的「醒目波幅」四出三捷，令此路人馬再度活躍起來。新一季，傅果權將會引入澳洲自購馬「波幅再現」來港，夫妻檔實行拍住上，全力「幅」製另一匹多捷明星。
傅果權馬運亨通，首匹愛駒「引伸波幅」出道次季轉投黃汝安馬房，即刻來個大變身，一季豪奪五冠一亞，成為安哥從練以來的代表作。至於由他太太柯亦凌擁有的「醒目波幅」，剛季初出即於田草1000米打響頭炮，之後再由鄭雨滇增添兩Ｗ，「波幅」系又誕生另一匹多捷馬！
鄭雨滇幫眼畀意見
傅果權表示，旗下馬有如此佳績，要特別多謝鄭雨滇。除了至今八Ｗ全由騎者包辦之外，「引伸波幅」及「醒目波幅」抵港前，原來騎者亦有份幫眼畀意見，功勞絕對最大。由於雙方關係密切，故早前蔡約翰想招攬「醒目波幅」過檔時，傅果權亦以首選起用鄭雨滇，作為轉倉的附帶條件，不過最終他還是追隨前伍廐副練洪國興，將愛駒加盟呂廐。
醒目波幅老蔡垂青
「醒目波幅」得到蔡神仙青睞，傅果權對愛駒來季前景自然更添信心，他說：「『醒目波幅』就快五歲，惟本身在港出賽只有半年時間，仍在不斷進步中，預料經過抖暑及再加打磨，可望展現更強的實力。此外，『醒目波幅』過往兩試泥閘都跑第一，走勢同樣出色，我打算讓牠在季初先行出戰一場泥地賽，嘗試找多一條出路。」
個馬主做咩咁睇唔開
有得去神仙度都唔去，竟然走去呂建威。
