入行邁向10周年，有過「經歷」而潔身自愛的關楚耀（Kelvin）極速成長，眼見下月20日移師澳門威尼斯人舉行《關楚耀Breakout演唱會》，Kelvin加緊做gym，連高空瑜伽都玩埋，日日食埋dry爆嘅營養餐單，Kelvin谷到一身爆肌。他預言澳門個唱保證加插一啲益女Fans環節，問到會否擔心被興奮女粉絲抽水時？他大笑說：「呢期我日日都俾人摸胸口都習慣晒啦
近期關楚耀愛上做gym及玩高空瑜伽，Kelvin更即席示範倒吊、倒吊push up同埋引體上升幾個難度動作。他說：「玩高空瑜伽唔單只操fit身型，鍛煉體能，還有助身心放鬆。?家我對自己身形都幾滿意，希望可以喺澳門個唱度帶畀觀眾驚喜啦，keep得咁辛苦最緊要係贏到女fans嘅尖叫聲！」Kelvin仲自爆考慮將高空瑜伽融入演唱會。記者笑問係咪要配合激凸「巨鵰」嘅貼身褲？Kelvin冇否定，fans有眼福啦！
問關楚耀有幾多吋胸肌，他說無度過，然後自爆：「呢期我日日俾人摸胸口！最尷尬反而係天生乳頭激凸搞到成日『飛釘』，又冇可能着兩件衫遮掩。」Kelvin又忽發其想，建議同許志安、張繼聰、方力申組成「G4聯盟」齊開演唱會，到時四個猛男係演唱會上大唱杜德偉《脫掉》騷肌都幾好笑喎！
