前個星期五滿利谷馬場舉行夜賽，全日8場夜賽。

暴冷暴熱，果日場次幾利前領貼內欄的場地，但其實有幾場賽事步速好快。

錦標標賽果場爆到 101 倍，認真誇張。

頭三場值得留意:

R3 幾匹質新馬對疊，Okaylah 全程睇住 Velocitea 來跑勝出。

卡偉樂的質新馬 Cats Whisker 落後近兩馬位得第三。(註: Cats Whisker下星期再出 G2 得第三)

Cats Whisker 今場第三可平反上場賴容安唔知做咩全程外疊望空走鬼哂。

Marveen 得第四唔可以話失望，只係3歲馬負59kg 確有難度，佢本身要留後在滿利谷場確難發揮。

R6 JRA Cup (List 2040米)

嬴馬Cefalu 101倍呢D根本無從入手，冇得揀。嬴當然可能係輕磅 (Handicap 賽事例有一兩次高分馬在場爆獲甘計都冇得計)

「愛美圖」近幾仗跑至不知所謂，都可進前四名。水準真係唔多高。

Casual Pass 明顯上場快步速有利，今次加至60kg都預佢唔得。Fast Future 呢場後上唔錯但都係因為負磅輕。

「魔月」得第三，又係讓太多磅。雌馬要讓你地平均5kg。個第三都係捱番來。

「更勝一籌」前一次檢討都講過，呢匹馬自墨爾本杯後好難打疊好。係澳洲評馬人對佢仲有寄望。

紐西蘭打比冠軍 C'est La Guerre又點呀，話就話轉彎俾「愛美圖」阻一阻。但之後衝勢好一般。嬴紐西蘭打比之前水準亦唔高，應該係一匹游水馬。等落雨。

R7 史特錦標 (G2 1600米)

Whobegotyou 輕取四馬位，更跑出 1:36:37 只慢場地紀錄5線。姿態確驚人一到500米唔學似上場困死一早拉大外疊跟住 Minnesota Shark 上，轉直路彎先開始推騎，已大超班姿態嬴。確定了今星期考菲爾德堅尼大熱的地位。

All American 早段用了唔少力 Cut 堆來，直路只能維持同速。同上年比較分別不大。看來係咁多料子。

Carnero 出閘唔差，自己拉拉拉，拉到轉彎前尾四。勝在轉彎內欄慳哂位，直路少少阻但睇落冇我預期所想能再進一步。

Minnesota Shark 早左發力直路頭慢慢減退，都有第四可想其他馬質素如何。

Fly Higher 今場成熱真係呃到下人，上星期有講唔係 Steven Arnold 係滿利谷困住一段時間嬴的絕不是牠。今場有埋1檔都威脅唔到頭三名，日後都幾難再反超前。

其他馬冇咩參考價值。有D未熟根本逼都逼唔來。