今年書展模寫真戰況激烈，為谷書各出奇謀， Yumi（尹蓁晞）、 Melody（陳若嵐）和 6位美味天使，昨日都現身非指定區域宣傳，以打游擊造勢。 Yumi更狂插 Kama（羅凱珊）前日在酷熱下派奶並不恰當，體質受不到更會出現嘔奶。
慶功搞抱抱會Yumi和 Melody更獲老闆林建名傍實到一樓巡場， Melody說：「若寫真集銷量超過兩萬本，我哋會慶功，會飛吻、抱抱，或泳池三點式見大家。」對於前日 Kama派奶撼周秀娜派雪糕， Yumi寸爆說：「派奶未必人人受，咁熱天氣下飲會嘔奶，我哋就建議派水同扇可以解暑。」有指不少 o靚模的寫真集都篤數， Yumi說：「我哋絕對唔會。」對於鄧麗欣（ Stephy）的新作《陪著我走》錯字多到離晒譜， Yumi卻十分包涵，並說：「人人都會有錯，唔緊要，再學習吓，下次再出。」她更預告明年出愛情小說。
6位美味天使昨日現身書展 3樓，在無綫攤檔造勢，並順道宣傳她們的寫真集，美味天使們更換了兩套衫，其中一套為 low cut配熱褲，既騷肩又騷腿，非常養眼，現場吸引數十書迷圍觀，秩序尚算良好。問到可是因為無綫總經理陳志雲下令，所以眾天使衣着收斂，藍莓（劉俐）說：「今日嚟宣傳 tvbuddy活動，要着得大體啲。我哋係適當健康。」
[
本帖最後由 帶來吉利 於 25/7/2009 09:07 PM 編輯 ]
