原本已將「走音」之名拱手相讓給宿敵傅穎的鄧麗欣（ Stephy），前晚自豬流感痊癒後亮相《勁歌金曲》，努力洗脫「鄧走音」之名多時的她獻唱《陪著我走》時幾度陷入走音邊緣，更以耳機無聲為由要求重唱，似乎歌藝仍有待改進。
鄧麗欣、方力申、杜麗莎、藍奕邦和泳兒等前晚到將軍澳電視廣播城擔任《勁歌金曲》嘉賓，周麗淇（ Niki）以嘉賓身份夥拍崔建邦齊齊擔任主持，不過 Niki十分抵死，竟然穿上近 5吋的高踭鞋上陣，高崔建邦半個頭，外形上相當不合襯。
Stephy當年獻唱首本名曲《電燈膽》頻頻走音而被冠以「鄧走音」之名，其後宿敵傅穎（ Theresa）現場演繹《花吃了這女孩》時走音兼𦧲脷，即時接棒頂上「走音」之名。早前 Stephy成為首位本地藝人確診患上豬流感，前晚她病癒後亮相《勁歌》，未知是否因有前輩級歌手杜麗莎助陣，搞到 Stephy大感壓力，所以前晚她獻唱《陪著我走》時幾度陷入走音邊緣。
雖然現場獻唱表現失準，但 Stephy卻竟死撐是因為耳機無聲所致，她在錄影前接受訪問時已強調唱現場不會感到壓力及緊張，及後她稱耳機有問題要求重唱，更自辯說：「因為第一次唱時耳機冇聲，如果全程係一個人唱，我就唔理，但之後我會同方力申合唱，所以再錄多次安全啲，其實冇聲時自己都有猶豫唱唔唱多次。」
