現年 17歲的周凱盈（ Monique）被控藏毒，前經理人、種星坊模特兒公司老闆 Admond Cheung昨日接受本報電話訪問時表示，若果她罪成，將永不錄用。
Admond補充，與 Monique的經理人合約數月前已屆滿，「我哋已經冇合作關係，幾個月冇聯絡，而且佢都改埋電話號碼，搵唔到。」他表示不清楚 Monique涉藏毒案，但強調：「我唔清楚佢嘅私生活，但若果罪成，我一定永不錄用，我都會提醒旗下藝人要慎交朋友，唔好掂毒品，如果發現嘅話我會即時同佢解約。」
Monique的同學兼好友、 o靚模胡心諾（ Rainbow）表示，自從各自轉校後已甚少聯絡，談到好友捲入藏毒案，她顯得很驚訝：「吓？我冇聽過喎，我都唔知佢犯官非。」曾屬同一模特兒公司的鍾蕙芝（ Lavina）就表示兩人因工作不同，並不相熟，故不便評論。
因貌似女子組合 Twins成員蔡卓妍（阿 Sa）而被稱為「翻版阿 Sa」的 Monique，今年夏天乘 o靚模熱潮火速冒起，聯同 o靚模 Rainbow、 Lavina等推出《夏之盛放》寫真力抗周秀娜，在動漫節及電腦節吸引不少宅男及龍友追捧。但 Monique對上一次出席公開活動，已是 9月中在西九龍出席國慶最紅時裝活動，之後鮮有露面。
Monique居於筲箕灣臨海 600呎私人樓，家境中等，曾與 Rainbow一同就讀玫瑰崗中學，修讀商科，她倆與另一女同學屬校內風頭躉，被同學稱為「玫商三寶」，追求者眾多。去年 Monique在 Rainbow介紹下參加無綫節目《美女廚房》爭逐美少女廚神，又參加亞洲遊戲展小姐選舉，晉身 o靚模之列，與 Lavina同屬種星坊模特兒公司。一次 Monique出席周星馳旗下的 gi商場宣傳活動，大玩水戰忘形得胸墊飛脫，場面尷尬，但卻令她人氣急升，其後還參演 PS3下載短劇《夏之盛放》，並在電影《撲克王》做閒角。
仍在求學階段的 Monique在夏天全身投入搵快錢，有傳她與 Rainbow齊齊被玫瑰崗踢出校，事後她表示因工作關係自願退學。 o靚模熱減退後 Monique亦重返校園，在港島區一間日校中學升讀中五。
