吸水 o靚模周秀娜與新晉咪神高海寧昨日再度正面交鋒，齊齊到澳門吸金。上圍 32D的周秀娜和 34D高海寧同樣以低胸裙騷胸上陣，性感程度不相上下。高海寧坦言不介意性感亮相，更自詡「天然胸」，難怪不怕大晒特晒。

周秀娜（ Chrissie）和高海寧昨日以嘉賓身份到澳門賭場出席記者會，大會邀請一班龍友在場造勢，認真騎呢！高海寧身穿低胸裝，大騷 34D驕人身段，而 Chrissie也以粉紅色低胸裙上陣。雖然她們聲稱在後台有傾有講，但兩女在台上玩撲克遊戲時，全程零交流。

談到風頭被高海寧瓜分， Chrissie笑說：「冇呀，但我係贏咗個遊戲喎。本來大會安排咗條裙畀我，不過太鬆，好彩我帶定條裙嚟，我哋兩個都好靚呀。」記者提她下次記得要性感些，她笑說：「女仔要對自己有信心。」
對於近日有多位新咪神登場，問到上了位的 Chrissie有否受到影響？她一派淡定說：「不嬲都有新人加入，我個飯碗喺頭頂，食嘢鯁親都會鑿幾吓，所以仲喺度。」
談到「警鐘胸」 Jessica C.升呢，問 Chrissie有否擔心被警鐘胸轟炸？她說：「唔好喇！我隻耳仔穿咗個窿，我哋未合作過，但我都覺得佢好甜同好靚。」她又笑言咪咪冬眠失敗。
成功搶鏡的高海寧坦言不介意性感上陣，她說：「最緊要睇場合，我唔介意性感，最緊要效果健康。」問她會否視同期上位的 Jessica C.為對手？她說：「我係『天然胸』，良性競爭先有進步空間。」高海寧又表示工作量大增，並謂會努力賺錢買樓。