河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 30/6/2010 10:27 PM
資料
短消息
|
(河馬仔專欄)7月1日元朗老廣靚湯評論+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
(講野個陣兩位都係訓緊係梳化度...)
馬場樂子：近期我地兩個掛住睇波,我地好似成大半個月都冇乜湯水飲啦,家姐>__<
馬場彩珠：冇法啦,四年一度晚晚仲要睇到凌晨四五點,邊有精神呀,麵豉湯都少整啦.今日冇馬跑又冇波睇,你煲啦-__-
馬場樂子：唔好啦,個腦LOAD唔到啦,DISK ERROR啦,但仲係好想飲碗中湯啦.
馬場彩珠：唔....咁不如我地換衫啦,落街飲湯啦.........喂,樂子,起身啦-__-lll
馬場樂子：咁今日去邊度呀?
馬場彩珠：個次去元朗金輝徑移過,有間叫做老廣靚湯,不如去試試咯.
馬場樂子：老『7』靚湯???
馬場彩珠：『廣』字來架.
馬場樂子：有湯有飯,好多選擇噃,飲乜湯好呢?睇下週圍先...
馬場樂子：嘩,都好壯觀噃!#_#
馬場彩珠：不如搵些湯飲下先,燉湯來噃,順便寫埋稿,鹹甜都揀先!
馬場彩珠：麥冬老鴨冬瓜燉湯---消暑湯水,料好多,冬瓜入味,夠哂熱辣辣但少少油而已,飲落知道落夠料及時間燉噃.
馬場樂子：椰子烏雞燉湯---打開蓋幾大陣椰子香,不過唔油噃,烏雞都煲得好綿.
馬場彩珠：鮮水蔘甘葛燉湯---消暑湯,好多料呢,試下舊雞先...D骨煲到綿哂趙得添^_^
馬場樂子：我又試,係噃,D骨真係綿架噃,個湯亦充滿蔘味呢.
馬場樂子：最後來個甜湯吧---川貝雪梨燉湯,有成個雪梨,唔會太甜而品嚐到清甜呢!
看板娘---馬場樂子---對燉湯之評分:
馬場彩珠：飲完湯了,要等等D飯先,因為真係要煲的,好期待熱辣辣的煲仔飯呢.
馬場樂子：飲完湯都係時候食飯了,D湯咁足料,D飯又會點呢???
馬場樂子：個黃鱔飯好多料噃,仲要好的事菜蔬好多呢,有菜心,杞子等等
馬場彩珠：樂子,仲要留意多一樣野,D菜新鮮噃而且唔會焗到腍哂.試下舊黃鱔先,爽而唔會有重泥味,而全個煲仔飯都幾夠薑味,而且樂子呀,睇下個煲底^_^
馬場樂子：唔駛再落豉油都夠味,而個煲底好多飯焦呢!
馬場彩珠：唔只呀,仲要係個煲底冇乜油架,喜出望外噃!
馬場彩珠：蝦乾花腩飯及蝦乾肉餅飯,蝦乾都幾大隻而豬肉頗有咬口,而幾厚肉噃,滿足架.
馬場樂子：這個白鱔飯非常惹味呢!今煲居然食到爽鱔呢!食落知道煲得夠火喉,個白鱔加上醬汁後送飯一流魚皮亦夠厚及膠質,味力四溢呢!
看板娘---馬場彩珠---對煲仔飯之評分:
馬場樂子：看得出此店製作用心認真,值得一讚的!
馬場彩珠：來到的湯及飯都是熱辣辣兼足料而且味良好,GOOD JOB呢!
河馬仔第六,七,十場心水選擇:
第六場:
4.名人 - 上次估都估唔到一埋馬拉得咁散都會走二疊之餘仲要食住逆風跑,最後其實走甩主馬群而只僅敗後上之軍士而已,今場換人有磅減之餘仲要快馬極少,用綸仔跑可能俾之前更好及發揮都唔定,而隻馬晨操快跳極爽有勁,跑千六始終四平八正
其餘選擇:
12. 連利威勁 - 跑千二都太短啦,跑千六才最正宗.用回柏寶會更加似樣,有進步空間之馬應是變身時
1. 寶利多 - 雖然今季連PLACE都未有,但用韋達會較以往跟前少少.在四班跑田草千六對手會減弱得多,如順利出閘便有威脅力
2. 魅力心 - 雖然此駒唔係金德寶未必咁容易打疊贏,但今季此駒見進步之餘晨操力度亦冇低落,跑法夠彈性之馬亦會好跑
是場心水:
4.名人 - 12. 連利威勁 - 1. 寶利多 - 2. 魅力心
第七場:
13. 砲嘜-雖然今季表現乏善足陳,但上場其實表現一點都唔差,起步快但唔明點解騎者要將隻馬收到近跑尾才跑,而當日場地環境頗劣,後方沙塵滾滾食沙嚴重,而此駒最後實際走勢並不潰敗.晨操快跳兩段隻馬有番主動性,而大幅減磅之餘加眼罩也是變身條件,減分過急了要贏都唔意外.
其餘選擇:
1. 旅英駿駒 - 上場負重磅十二檔都可以睇住衝贏隻慳哂位之喜萬家,但田草一千並不是谷草一千般分兩段發力,而此駒有實力但晨操眼見火氣有點落,可爭唔穩之熱門馬
12. 聖河 - 失準馬如跑得好個日衝力其實頗強,跑一千米正正就要一些可以左衝右突之馬而非均速馬.減分已夠雖然配搭有點奇不過對手互有參差之下此駒有能力應付的
3. 酒勝 - 上場泥地千二算好番好多,跑番一千易得多
是場心水:
13. 砲嘜 - 1. 旅英駿駒 - 12. 聖河 - 3. 酒勝
第十場:
13. 玉峽生輝-雖然此駒千四績差難言穩,但此駒上場轉彎走在中疊衝其實望空唔多.而當時其實狀態欠佳而不利後上發揮.今次踱步已見個身收得好之餘馬已有回神氣,試閘能在推騎幅度唔強之下一路力壓推到上頸的萬事佳,看來此駒上力程度頗多.此組對手雖強但本身實力應可在此分區爭勝,有冷味.
其餘選擇:
8. 按得快 - 始終千四現時可靠過千六,當然上場可能係路長才place都甩,但今場好檔路短番可諗
14. 清風送爽 - 拍創造傳奇一課比上兩次入圍時更迅速有神,看來見到進步感.
9. 天久 - 雖然草地贏個陣係三班,但可力壓戰河及共創未來等等良駒絕不簡單,磅輕到咁都不能棄
是場心水:
13. 玉峽生輝 - 8. 按得快 - 14. 清風送爽 - 9. 天久
馬場彩珠三寶提供(總共廿七注):
第八場 : 4. 赤嵗雄威 5. 太平星 9. 瀟洒叻龍
第九場 : 5. 寶貝王子 6. 八逢九紫 13. 有莊有閑
第十場 : 8. 按得快 13. 玉峽生輝 14. 清風送爽
又到四年一度之足球盛事,大家都唔介意捱眼訓為愛隊打打氣,河馬仔都唔例外地會支持英格蘭隊,希望能奪得好成績.
<河馬仔專欄>及<賽馬WQT>看板娘---馬場樂子都應下節,今次穿上足球衣,夥拍小馬球證,同樣在綠茵場上同大家見面.
由河馬仔出品,夥拍同人組織---天空音匣繪製而成一起設計,由天空音匣之畫師Mineko負責執筆繒畫,以<共享創意 署名-非商業性 3.0 香港 授權條款>發放:
 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
