四名「妄攝女」Iris（鍾永慧）、Cat（陳雅絲）、Kinki（林玲）及Norain（陳麗玲）無視禁令，昨午四時踩入書展，Cat更低胸搶「峰」頭，她們除了派「撕」暴明信片外，又公然簽名，引來數十人圍觀，四名保安以「人盯人」方式護駕。約十分鐘後，工作人員怕她們被趕，才示意她們離開。四女其後轉戰Angelababy的寫真攤位，惹起Baby的粉絲不滿：「阻住晒！我哋嚟畀錢買Baby嘅寫真o架！」眾女擾攘數分鐘後速閃，退到新翼大堂繼續宣傳，怎料巧遇鍾蕙芝（Lavina）及其粉絲，Lavina的粉絲看到「妄攝女」即突然過檔，爭相一睹「妄攝女」真面目，冇癮的Lavina惟有悄悄離去。
對於伍曼儀指o靚模寫真意淫，Iris激動地說：「政府立法會都未管，點解佢哋咁批評我哋？」而撐場的唐貝詩則說：「今日買Iris本書！（唔出寫真？）讀緊書唔諗！（爸爸依家點？）我冇嬲佢，一家人點都會支持！」
另外，Lavina早前出席義賣寫真集獻吻會，數十男粉絲吶喊撐場，準備了300張感謝卡，內附簽名及香吻的她說：「我今日以作家身份嚟義賣，係獻吻會唔係簽名會，義賣冇犯規就OK！」提到模寫真被指意淫，玄學家麥玲玲說：「我覺得o靚模寫真冇問題，我同周秀娜熟，我都買咗30本送畀朋友！」
