為求洗甩「童顏巨乳」形象，郭書瑤（瑤瑤）懶理人氣隨時下滑的危機都要封胸到底；不過，上周初，瑤瑤來港宣傳新專輯《Honey》，並在旺角一影音店舉行簽名會，雖然事業線被冰封，但依然吸引大量粉絲到場支持，𠱁得轉走可愛路線的瑤瑤非常高興。可能因為獲粉絲支持，加上首度在港過中秋，穿上胸前有對大眼仔，穿短褲露出一對長腿的瑤瑤在維園花燈會上表現興奮，自拍加不斷被拍。
難得再度來港，瑤瑤當然唔會放過Shopping機會，趁宣傳期的僅餘空檔，瑤瑤先往進貢給沈嘉偉，在銅鑼灣i.t內瘋狂揀衫揀鞋，甚至有排未用得的Ear Warmer，瑤瑤亦試得不亦樂乎，然後，當她看見一件印上「Hug Me Now」的長身Tee時，即雙眼發光，拎着Tee衝入更衣室試身，換了後更開心的在鏡前不斷照，雖然收起巨咪，但穿上印着「現在抱着我」字句Tee的瑤瑤，同樣相當誘人。
Shopping完，瑤瑤便跟工作人員到茶餐廳食飯醫肚，雖然當事人表面好享受美食，但同時間卻嚷着要到維園參加花燈會，工作人員最終不敵瑤瑤如唸經般的要求，飯後便帶她往維園。
去到維園之後，瑤瑤恍如失控般，乜都影一餐，舉機自拍加不斷要求工作人員替她跟花燈合照，表現出極道童真的一面。
