河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 1/10/2010 02:33 AM
資料
短消息
|
(河馬仔專欄)10月1日尖沙咀Oceanna海鮮行政午餐評論+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
樂子：(搽緊唇膏中....)去到尖沙咀,一定要似番個行政人員,執番個LOOK先..........
彩珠：今日會寫一間意大利式的海鮮EXECUTIVE LUNCH,當然要執正D啦...(都係搽緊唇膏中....)
監製 : 兩位親愛的主持,請問幾時出發呢?食行政午餐唔駛化到個妝咁"行"的.
樂子：化妝靚D嘛>_<
彩珠：好啦好啦,化好啦,出發去尖沙咀K11購物藝術館試試這兒的午餐呢!
樂子：諗起意大利的食物,一定諗起pizza呢.
彩珠：咁我地今次特別一點,在叫行政午餐先前要個迷你pizza仔分享一下做頭盤先.
樂子：個pizza餅底好脆口呢!上面有一層薄薄的芝士加上不同的配料,頗特別的餐前小吃呢!
彩珠：食完少少野我地就要來個行政午餐啦,樂子呀,睇下想要邊樣?
樂子：唔該,我想要個燒美國西冷配雜菜紅酒汁的.
彩珠：咁我就要這個傳統意式海鮮大燴啦,麻煩您呢!
樂子：紅白兩種湯都幾濃味呢!以紅湯較重蕃茄味,帶動到食欲呢.而白湯磨菇碎亦唔少,不過都以紅湯較特別.
彩珠：芝士焗生蠔三隻份呢!芝士味不搶,而焗過的蠔亦保留到蠔的滑溜及海水味道,而生蠔的SIZE亦算恰可,作頭盤已算合格有餘呢!樂子,不如您介紹一下蠔的日文讀音吖...
樂子：蠔的日文漢字叫做牡蠣,日文讀かき(KA-KI),趁熱食埋先!因為主菜來了!
彩珠：這個就是傳統意式海鮮大燴呢,貝殼粉加上一眾海鮮如魚塊,墨魚,青口,大蝦,蜆仔等等,加上蕃茄汁的味道確比人一種清新的感覺,更比一些傳統的白汁更易入口.海鮮特別以青口蜆仔等等最為突出,肉中滲出陣陣的海洋味道,加上有咬口彈牙的貝殼粉,YUMMY!
看板娘---馬場彩珠---對傳統意式海鮮大燴等等之評分:
樂子：燒美國西冷配雜菜紅酒汁加上大量配菜舖底,西冷真係燒得好香口而肉內亦唔過熟,肉質也夠彈性而肉汁頗豐,份量亦唔少的,啖啖都令我滿足呢!
看板娘---馬場樂子---對燒美國西冷配雜菜紅酒汁之評分:
樂子：女仔有兩個胃的,一個裝正餐..........
彩珠：另外一個用來裝咖啡同埋TIRAMISU呢!
樂子：咖啡亦非常濃呢!應該啱哂上班一族呢!而TIRAMISU最喜歡佢唔乾身呢,TIRAMISU主要的由Mascarpone奶酪,手指餅及咖啡等等.此TIRAMISU香滑綿呢!呼............由頭食到尾,飽飽了,吃完後總是想睡..........
彩珠：我地仲要番去寫稿架,行政人員=_=
河馬仔第四,八,九,十場心水選擇:
(馬場樂子代筆)
第四場 :
3. 旅遊大亨 - 雖然近期蔡明紹之成績的確一般,但今日賽事就手執良駒,如箭在弦.此駒近兩戰失望皆採用跟前戰略,不過以往卻是可以留後一點追較佳.28號晨操見此駒仍舊有岳頭之象,但馬身就操得番個肌肉線條,如少痰的話對此群較弱之對手有力一爭
是場心水 :
3. 旅遊大亨 - 6. 幸運相架 - 11. 福至心靈 - 2. 快意
第八場 :
1. 卓爾非凡 - 始終千六較千四跑得熟,二來上場晨操冇神冇氣又唔夠壯,仲要上場一起步都較慢,彎頭已開始拉出外疊衝,當日其實不利外疊後追都跑得唔算差,講真當熱身算了.27號踱步已精神好多,熱好身對手多未足穩陣了
是場心水 :
1. 卓爾非凡 - 2. 騰雲駕霧 - 3. 沙貝利 - 10. 賞惑
第九場 :
11. 天久-如上場能以一段21.4秒之狂速拚命反先對手,看似辛苦但亦證明本身質素確實在此群第一班中堅分子之上.當然今場對手確是全港一哩精英,但大多是熱身未足之餘本身狀態亦未需要捱至高峰,相反如天久真的想染指大賽的話此場卻是寶貴的試金石.晨操狀態多駒之中以此駒最耀眼,踱步火氣充足又夠內歛,確實係操足而臨.今場唔係平磅就更安心,雖然要蝕少少磅.
是場心水 :
11. 天久 - 2. 好爸爸 - 9. 新力勁 - 10. 魔法幻影
第十場 :
7. 一路奇兵 - FALTAAT仔仔多數高速,此駒大白面又唔駛靠前速跑法都頗彈性.特別係上場沿途留後迫在外疊而最後直路被期望稍有干擾下最後幾步撲得好好.26號快跳兩段見助手抽到隻馬實一實此駒都湧住去,頸部夠厚肉有夠力,正到暈!應是今日最勇之三匹馬之一
是場心水 :
7. 一路奇兵 - 2. 金堡龍華 - 1. 帝豪名駒 - 5. 金津好
是日三場全餐博冷門Q膽 :
(馬場彩珠代筆)
第三場 : 14. 封面
第四場 : 3. 旅遊大亨
第十場 : 7. 一路奇兵
9月5日馬季開鑼,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
