TVB姐仔陳美詩（Macy）認真厲害，可以將媾女王孫耀威 （Eric）治得貼貼服服之餘，還有能耐令男方放棄多年的偶像包袱，首度公開拍拖狀況兼在頒獎禮上公然對女友高呼I Love You，Macy當然冧到痹。年初四下午，剛由澳洲柏斯做Show回港的Eric，戴着口罩陪女友與女方親友到尖沙咀飲茶，雖然已公開拍拖關係，但男方依然相當驚青，為怕被其他食客發現他見女方家長，飲茶期間也罩不離口，就算進食時亦只將口罩退到下巴位置，與女友出入更是前後腳，膽怯得令人發笑。
由否認到公開，可見孫耀威跟Macy拍拖兩年來感情愈趨穩定，不過，早前有傳兩人各行各路，消息傳出後，女方火速表態：「身邊朋友都知我哋兩個仍然非常恩愛。」澄清之餘順便晒命，陳美詩確實係聰明女，難怪深得老孫歡心。
飲茶不說話
雖然歌星夢碎，但29歲的Macy總算在踏入3字頭之前覓得搵埋唔少人仔的老孫做男友， 不過，只跟男方拍拖2年的Macy不下多次表態恨結婚，更憧憬2年內可以舉行夢幻婚禮，但只得38歲，兼近年歌唱事業再現小陽春的老孫卻講到明以事業為先，結婚大事繼續押後，恨做孫太的Macy唯有等等。本周日（年初四）下午，戴帽兼戴口罩的老孫同女友到尖沙咀海港城飲茶，同場還有女方一眾親友，眾人選坐酒樓貴賓房一角，而老孫與Macy則背着門口坐，席間，Keey着戴口罩的男方只顧與身旁小女孩玩iPad，甚少跟長輩或Macy交流。
老孫大男人
可能怕被食客發現，所以老孫全程也罩不離口，就算進食時亦只將口罩退到下巴位置，期間亦刻意坐離身旁的Macy，表現相當驚青。食飽離開，老孫急速地與親友們揮手再見後即轉身走，完全無視身後緊隨的女友，沿途亦一直低頭按iPhone，相反素顏Macy則不斷笑着講電話，看來心情相當不錯。行至上車位置，兩人亦煞有介事地企開，偷情感覺相當濃烈，至男方的七人車駛至，老孫第一時間跳上車，Macy卻施施然殿後登車，表現非常兩極。
