陳鍵鋒 早前接受有線訪問，炮轟不被無綫重視，雙方傾續約時更為了數十元薪酬而拉鋸，最後憤然離去，結束11年賓主關係。事件引起圈中廣泛迴響，日前馬德鐘 亦加入戰團，其太座在微博狂數無綫制度刻薄，更寸爆稱高層樂易玲為「樂大媽」。
日前陳鍵鋒接受本報專訪，他強調是個念舊的人，不會忘記無綫11年來恩情，續約條件及新劇排位只屬離巢的導火線，最令他心灰意冷的是多年來所受的冤屈，矛頭直指《洪》劇監製玩針對，這些人為因素實在令他難以容忍，加上內地工作條件優厚，才令他決心向外闖。
有傳自陳鍵鋒有線《主播會客室》的訪問出街後，出名小器的無綫即時做嘢全面封殺他，除了《洪》劇飯局不預他外，其他節目亦禁亮相，本報更收到消息指早前《洪》宣傳，有人臨時要求他不要出席。據知情人士說：「嗰日本安排咗鍵鋒朝早11點影官方雜誌封面，但前一晚有人通知佢唔使影，用劇照就算，到嗰朝11點又通知佢兩點個宣傳唔使出席，仲通知其他部門話係佢唔得閒，後尾件事驚動咗高層，先叫佢照樣出席宣傳。」
默認無綫有封殺
對於封殺一事，陳鍵鋒接受本報訪問時無奈表示，「嗰日宣傳嘅事我唔想再講，總之後尾我係有出席到，個飯局係冇叫我，但係我唔相信大台會咁小氣，我啱啱先錄咗《今日VIP》，嚟緊16號《洪武》宣傳都有通知出席。」對於將來有沒有機會跟無綫合作，他續說；「我哋一直有傾緊其他形式合作，始終呢個地球係圓。」
陳鍵鋒坦言很感激無綫多年來栽培，所以一直都以無綫行先，他說：「對公司有感情，特別係一班好好嘅幕後同事，但係估唔到我拍緊《洪武三十二》時，合約完咗佢哋先搵我傾，為咗幾十蚊騷錢可以拉鋸半年，話《洪》係主角，但係海報出嚟係另一回事，既然內地條件好十倍，相信每個人都識揀。」
