諸葛梓岐（Marie）與Neway太子爺薛嘉麟即將拉埋天窗，待嫁新娘日前率先試穿一件價值五十萬，白與香檳色之間，用人手釘滿碎花和閃石的矜貴婚紗，不過，Marie卻情迷有喱士袖，宮庭式長拖尾婚紗，最切合她的「公主身份」！短短半小時內，Marie一口氣試了三套婚紗和兩件晚裝，顯得非常雀躍。她興奮道：「主席（薛嘉麟）叫我淨係負責嫁衣部份，其他都交託畀佢一手包辦，最緊要結婚當日要扮得靚，同埋要出席！」薛生咁講，唔通怕Marie會逃婚？她哈哈笑道：「因為我個人好三心兩意，畀唔到佢安全感咯。」

本周日（22日）諸葛梓岐將為香港賽馬會婚宴展覽披上婚紗演出，率先進行婚前預演。日前她到贊助其婚紗晚裝的婚紗店試衫，順道設計嫁衣取靈感。公主先試穿一件桃紅色和杏色Deep V晚裝，接�茪嬪O試穿兩款高貴Low Cut款式婚紗和一套宮庭式長拖尾婚紗，手上三卡訂婚鑽戒閃令令發亮，Marie幸福滿瀉。剛試完衫，馬上接到「主席」來電，Marie甜蜜報告試衫狀況，情話綿綿。


　　靚湯箍實男友

　　問到待嫁心情？她坦白說：「真係冇特別，我都唔急於出嫁，因為平日都keep住好sweet，結婚只係形式，主席叫我乜都唔駛搞，結婚當日最要靚同埋出席，佢知道我工作好忙，而且我個人成日都三心兩意，最怕我會變卦！」Marie唯一主理設計嫁衣，她說：「因為我太多心，目前仲未落實，初步構思係宮庭式婚紗，要有哩士袖同長拖尾，仲要配埋個小后冠，但唔一定要低胸，呢方面唔係焦點。」

　　薛嘉麟唔只靚仔，仲有錢有才華，Marie難道唔怕出現「小三」？她信心十足說：「最重要有真愛，佢經已畀晒�灡伅“琚A唔容許會攝到第三者，而我最愛飲湯，每次柯打傭人煲湯水，好似冬蟲草花膠湯、青紅蘿蔔豬骨湯都會送埋靚湯畀佢！」Marie借花敬佛呢招，男友一樣咁�U。