34D Phoebe許穎為力證自己 22歲，前日接受訪問時拿出身份證，誰知證件上的出生年份位置爛了，先後提供的彩色副本身份證字體與黑白副本的字體又有出入。她並以母親不允許為由，拒提供回鄉證及護照，本來輕而易舉的事卻變得波折重重，越搞越可疑。
近日大批 o靚模被本報揭發舊照與現貌不符被疑整容，再扯出虛報年齡之嫌，除了 Jeana被指是 31歲外，許穎（ Phoebe）也被指應不只 22歲。
Phoebe前日接受訪問本擬出示身份證，證明自己乃 1989年出世，但原名許煒林的 Phoebe拿出的身份證，竟巧合地出生年份的位置爛了。
Phoebe解釋說：「搬屋時揳咗落傢俬度整爛咗，因為晶片冇爛，要過澳門所以用住先，上面張相係我 18歲時影，換咗就冇，唔捨得。」結果她提供一張身份證影印本，奈何黑白影印要電腦加工易過借火，所以不能百分百作證，本來 Phoebe答應會再提供回鄉證或護照，但其後卻以其母不欲公開太多私人證件為由拒絕。
至昨日她再提供一張彩色副本，但年份「 89」與之前黑白副本的字體有出入。 Phoebe自言在香港出世，現就讀藝術學院 fine art，她說：「同學都知我幾歲啦。」
至於被疑整容， Phoebe拿出 6張由 03年開始的舊照，只見她在 03年時的照片，鼻頭有肉不像現在尖削，顴骨與腮頭都大，呈少許方字面，與現時的瘦長面頗有差別，但到 04年開始，臉頰開始瘦削，加上戴顏色隱形眼鏡及化妝手法有別，所以整體看來變靚不少。 Phoebe掀起頭髮說：「我顴骨同顎骨仍然好大，但識得用頭髮遮住，影相識就位。」
再嘲 Jeana胸硬
Phoebe指自己是慢慢變瘦，腮骨仍在，又用力搣鼻樑，又讓記者篤她的鼻，記者感覺其鼻子與正常的鼻無異， Phoebe說：「我唔介意用任何方法證實，有人質疑咪畀佢摸吓囉，當然唔係周街啲人想摸都摸啦。」
假如整容想改善哪個部位？ Phoebe說：「整走大腮骨，顴骨都好勁，我想食返肥少少，顴骨睇落先冇咁大。」談到其死敵 Jeana指她沒摸過怎知其胸部硬， Phoebe說：「睇都知佢硬啦，我都唔想摸。」
