賽馬世界


 
標題: 「香港國際賽事2011賽後感想區」(聲望)
EternitY
總舵主
Rank: 10Rank: 10Rank: 10


「馬場大亨 - 個人賽冠軍」   「馬場大亨 - 個人賽三甲」   「馬場大亨 - 團體賽(勝利數組別)冠軍」   「馬場大亨 - 團體賽(勝利數組別)三甲」   JRA Online --- The Best Owner 2009  
UID 16
精華 20
積分 3265
帖子 10869
港元 11719 萬
存款 5000 萬
聲望 432
閱讀權限 102
註冊 4/10/2003
發表於 12/12/2011 10:10 AM  資料 文集 短消息 
「香港國際賽事2011賽後感想區」(聲望)

「香港國際賽事賽後討論區」(聲望)

2011年香港國際賽事已完結,對於各路人馬的部署,賽事發揮,質素等,你有何感想?

各會員熱烈討論本貼或提出獨特見解,將會給予一定聲望嘉許。

結果如下:

國際賽頭馬
------------------------------------------------------
香港短途錦標:天久
香港一哩錦標:步步穩

香港盃:加州萬里
里香港瓶:多利得
------------------------------------------------------

第一隻過終點港隊馬
------------------------------------------------------
香港短途錦標:天久
香港一哩錦標:步步穩

香港盃:加州萬里
香港瓶:自由好




頂部
天使小帕
資深會員
Rank: 4


UID 6360
精華 5
積分 0
帖子 298
港元 740 萬
存款 0 萬
聲望 12
閱讀權限 10
註冊 14/10/2011
發表於 12/12/2011 10:41 AM  資料 短消息 
馬後炮,貼過來先

香港瓶:
鑄鐘大師:事實證明級數比舊年技藝精湛差一皮.
自由好:發揮一絕,末段沖輸技不如人.
多利得:2400能力特佳,墨爾本盃冠軍名不虛傳,冇馬夠佢鬥.
紅色禮物:嫌短.
極品絲綢:直路有段加速力,後段腳軟,2400嫌長,跑翻短D有權變身.
犀利靈:開跑前就咪預埋佢,冇希望噶.

短途錦標:
天久:一翻到本土即刻補中,方仔及時練好佢,應記首功.
小橋流水:比人塞,不過就算不計形勢都應該唔夠跑,唔知點解翻到季初輸比時尚風采嘅水準.
時尚風采:老馬又回春,交翻季初爆嬴小橋流水嘅加速力,如有兩三年前嘅巔峰狀態,天久都唔夠跑.
盈綵繽紛:賺盡形勢入Q,表現不及天久同時尚風采.
火箭人:得到神喻后抽到超靚檔13檔,并系神之鼓勵下全程守住三曡"靚"位,翻來一步都冇,世界短途馬王認衰啦.
蓮華生輝:檔差兼老退.期待第二春.

一哩錦標:
夏威夷鳥:徹底失踪,原因不解釋.
步步穩:犀利,A欄不利前置仲可以頂到最後.大摩調教老馬一絕,上場狀態隔場發揮,脫帽致敬.估計好多朋友唔中都系睇衰咗呢隻老黃忠.
軍事攻略:塞足大半條直路,隂功,否則點會嬴唔到!
都市風光:冇遮擋下仍能交出如此後勁,質素与攻略不相伯仲.
勁飛寶:杜利萊狂放玩自殺,睇來只有四少先可以操控到佢.
川河勁駒:質素未如想像中咁高.
占美大亨\締造美麗:全部瓜晒,接受神的制裁啦,問你地怕未.下次跑大賽前一場記得有幾差跑幾差,咪再入神法眼.

香港盃:
天鷹翱翔:阿蘇接受神的祝福,直路走死位,世界第二號馬王P都冇:鬼叫你要嬴飛雪同信可乜,操得咁弗比神相中.
滿綵:老巫今日超級表現,幕後最大功臣.顛覆滿綵最佳跑法,將步速有幾慢拖幾慢,直路自動讓路.益晒加州仔.
加州萬里:三流騎師配一流馬再配一流形勢,事實證明都系夠用.蔡明紹有大師傅幫佢保駕護航,全程靚位,超慢步速,10駒中以佢後勁爲最佳,馬之特性得到最大發揮.加上直路老巫自動讓位,想唔嬴都幾難!
雄心威龍:馬王狀態未到十足,兼且中咗慢步速陷阱,沖落去唔系好勁,要睇今年金盃表現先可以確認到与加州仔孰强孰弱.
魔法幻影:犀利,若非形勢唔好,點會姗姗來遲,可惜佢兩年都第二,今年比老巫陰咗,認命啦...
諺語:開賽前果斷抹咗佢.大家都明噶.





香港賽馬史上最強中距離馬王---雄心威龍
頂部
細B
虛擬馬主
Rank: 6Rank: 6


UID 3724
精華 2
積分 0
帖子 6328
港元 1831 萬
存款 0 萬
聲望 15
閱讀權限 20
註冊 26/4/2007
來自 Zain
發表於 12/12/2011 11:40 AM  資料 短消息 
今年國際賽氣氛十分熱烈,賽前與David等人一齊係終點線睇馬影相,當中更有Antony的日本朋友一齊影相睇馬,國際氣氛十分好。
第一場由杜利萊贏馬,佢既勝利歡呼為國際賽既賽事揭開序幕,經過三場賽事第一場戲肉來了....
第一戰:「香港瓶」
講真我既印像之中,只係有一隻自由行,當時呢匹馬力拚各外隊馬只係僅敗,而今次我憧憬係同主馬自由好身上,今次外隊馬實力雄厚,賽前最喜歡是多利得,其次係自由好,銀塘勝景等馬匹,當賽事到入最後彎位既時候,我於大銀幕見到外檔有一匹白衫馬上得十分快,是自由好,當時我大叫:「自由好有呀,柏寶上呀!!」入到最後三百米,當時一眾人都大叫柏寶的名字,希望失落多年的香港瓶能重回香港懷抱,可惜到最後百幾米,突然有一匹黃衫戰馬多利得從自由好內檔殺出重圍,以3/4馬位擊退自由好,今場自由好雖然輸了,但人馬返回凱旋門時均接受各馬迷的熱烈歡呼,當然我也是其中一個,此仗為港隊戰馬,打下一支強心針!!!

第二戰:香港短途錦標
賽前好多人都預測呢場賽事都係港隊馬贏,不過誰勝誰負,各有千秋,各馬迷都意見不同,有鍾愛蓮華生輝的馬迷都深信牠可以克服14檔再次贏馬,亦有人認為小橋流水係蓮華生輝既接班人,港隊希望,所以倍率上,小橋流水是匹不足3倍的大熱門,其次係天久等馬匹,一起步,呢場各馬都相當齊,最令人震驚的是,火箭人的前速竟然不及三匹外隊港隊馬,比頂出4疊入彎,全程走三疊,入直路當然係一步都冇,正當以為小橋流水可以上之際,前面出現單打獨鬥場面.......
盈彩繽紛鬥時尚風采,兩匹馬鬥得十分激烈,從後追上加入戰團仲有天久,三匹馬纏鬥在一起,於三匹馬中間的時尚風采有段途程曾佔先,可以最後50米柏寶再出絕招,力壓時尚風采及盈彩繽紛贏馬,此對騎練組合於香港瓶僅得亞軍,今場一次過返晒黎,而時尚風采同盈彩繽紛鬥得難分難解,最後連電眼都分唔到勝負,並列第二,而大熱門小橋流水,只能在個多馬位後獲第四,呢場馬最振奮的是,最後一百米是三匹港隊馬叮噹馬頭,可說是全日4場國際賽最令人緊張刺激的一場,而天久亦順利贏出佢第一場國際一奴賽頭馬:gggg:

第三戰:香港一哩錦標
經過兩場戰役,終於黎到香港最殺食既一哩賽,呢次精英雲集,連日本牝馬三冠馬后都黎香港,可能此賽水準之高,獎金亦加至與香港盃睇齊,可見馬會對一哩賽的重視程度,呢場賽事好多人都睇實大摩三隻馬,預賽冠軍卡達聖,應屆冠軍一哩盟主軍事攻略,上屆一哩錦標大熱門(其後退出)步步穩,當中軍事攻略被捧成大熱不足三倍,而預賽冠軍卡達聖則有8倍之好分頭,而上屆大熱步步穩竟然冷至60倍
賽前都預計會是港隊能輕鬆包辦三甲,可惜事與願違,一出閘,勁飛輁竟然狂放,第二段造出22秒幾,睇返佢到最後400米,時間為1:09秒尾,快到咁,到最後緊係一步都冇啦,而全程以自己步速守住第二位之步步穩,入直路後隨即彈甩主馬群以三個馬位領先,軍事攻略全程拖下拖下拖到尾幾位置,從中檔開始追上,大外檔殺上黎的不是港隊馬,而是兩匹外隊馬都市風光及杜拜之金,
步步穩藉住多個馬位優勢力拚到底,最後都市風光及軍事攻略姍姍來遲,步步穩以一個頭位成功贏返一次,爆出66倍大冷門,亦都成為全場最老指檔贏馬,可以話將國際賽推上高潮,因為緊接落黎就係兩匹香港二千米王者的大鬥法!!!!

終極之戰:香港盃
記得呢場賽事係以前香港馬好難好難先贏到,可以話望塵莫及,時致今日已經唔同晒
香港三雄力拚外隊戰馬
三匹王者:雄心威龍、加州萬里、魔法幻影
佢地實力之強唔港講,二千米能力相當耍家,就睇下邊匹馬後勁最強??
今次賽事一起步,哎也,雄心威龍今次真係慢左喇,仲要撞兩撞,唔知有冇影響呢?反觀加州萬里出閘好快,唔會又留唔住放頭掛??好彩有隻同馬滿采做cover拖慢步速,而排最外檔既魔法幻影好機警好快就入左欄留守最後位置,全程位置都冇咩大變化,去到最後轉角,步速扯快左,前先首先出頭係前衛先鋒,加州萬里呢??哎也冇位呀!!!雄心威龍係外檔展開凌厲衝刺!!!中間隻諺語都追上黎但當然唔夠佢衝啦,正當以為雄心威龍可以靠後勁贏馬,但佢旋風式後勁好似冇之前咁勁wo,呢個時候內檔一隻灰馬仔突然殺左上黎,加州萬里!!!蔡明紹!!!!!!!一穿就過晒,大外檔仲有魔法幻影追得好勁,可惜為時已晚,加州萬里順利贏馬,魔法幻影追入第二,雄心威龍呢??最後50米冇力,連前衛前鋒都過唔到,賽果令人有點意外但亦算正常賽果,香港三雄,就只差雄心威龍未能跑入三甲,但令人開心的是,第一位港產騎師蔡明紹,為香港增光,更為香港馬迷心目中既英雄!!!!
希望蔡明紹日後加以努力,贏更多一級大賽!!!!




頂部
kmbsuperbus
活躍會員
Rank: 5Rank: 5


UID 6032
精華 1
積分 0
帖子 11324
港元 628 萬
存款 500 萬
聲望 1040
閱讀權限 10
註冊 30/3/2011
來自 Racecourse
發表於 12/12/2011 11:43 AM  資料 短消息 
我都貼過黎先 :jjjj:

今日4場當中, 短途錦標最精彩, 未到最後100米都唔知邊匹馬會贏, 我係home 猛叫'都爾 aR !' :jjjj:
睇完4場, 較令我擔心ge 係一哩, 步步穩win, 2nd, 4th 都係外隊馬, 軍事攻略一塞就無, 其他係4th 之後ge 港隊馬真係唔係個個級數, except 卡達聖唔知咩事

國泰航空香港瓶
多利得: 人馬發揮十分出色, 今仗冠軍更證明此駒的級數 :gggg:
自由好: 人馬發揮也是十分出色, 柏寶盡顯功架 :ccccc: , 早走搏走甩, 可惜最後100m 俾頭馬過番, 呢場跑2nd 更證明自由好有一級賽的實力, 係香港馬中, 跑2400m 實力係數一數二, 1600m-2400m 都有出色表現的良駒
紅色禮物: 已盡所能, 黎遲左, 跑長d 會好d
火龍駒: 去完澳洲番黎散晒, 跑長d 都唔見得會好, 等下先
極品絲綢: 2400m 根本唔到, 下次再跑1800m-2000m 可留意
好先生: 唔夠級數, 都係跑番本地級際賽好d

國泰航空香港短途錦標
天久: 去完日本番黎就1st, 人馬表現十分出色 :gggg:
盈彩繽紛: 賽前操練感覺唔太完整, 但跑落依然係好有鬥心, 韋達今次沿途守內欄, 人馬表現又係十分出色
時尚風采: 賽前不被睇好, 都爾及此駒依然表現十分出色, 人馬真係至夾! 轉彎入直路頂左天久出去, 跟住封埋真機伶個位, 然後搏走甩, 都爾今仗盡顯功架 :ccccc: :jjjj: , 發揮非常出色, 馬已8歲仍非常忠心 :ccccc: , 全場國際評分最低一駒, 差d 就贏, 真係令我非常感動!
小橋流水: 今場跑第4, 證明上仗只係賺左跑道較利前領馬的形勢, 到今仗跑道放追都得, 碰撞後就唔夠跑, 感覺匹馬實力並非想像中咁高, 今仗係確實被前面3匹馬彈甩
真機伶: 騎師池添謙一唔太熟香港跑道或可以說無咁醒, 入直路就俾都爾封左個位先跑5th, 此駒前途無可限量, 番去日本應可環掃短途賽事
富貴金龍: 負126磅係大外檔衝蝕唔起, 不過如果今仗可留係中間位置競跑, 結果有機會唔同, 下仗可繼續留意
讚惑: 1200m 實力係咁多, 跑番本地的級際賽仍可一爭
蓮華生輝: 退晒, 衝唔到上黎, 潘頓就咁蝕左匹小橋流水 :ppp:   
綠色駿威: 退晒
火箭人: 高雅志轉沃斯特, 騎師level 幾級降, 轉彎已狂推 :funk: , 表現令人失望, 一係跑攰左, 一係退步左

國泰航空香港一哩錦標
步步穩: 德叔及此駒表現十分出色, 9歲仲可以贏國際一級賽, 係好野 :gggg: :ccccc:   
軍事攻略: 我諗贏ge 本應係呢匹馬, 但可惜白德民攞位論盡, 結果將冠軍拱手相讓俾人, 好在冠軍係廐侶步步穩
杜拜之金: 排14檔, 結果夏偉卓盡顯功架 :ccccc: :jjjj: , 入彎已經踩油上黎, 入直路個勢仲以為贏得, 番英國跑G2 應無問題
川河勁駒: 實力係咁多, 表現不過不失
締造美麗: 退步左
莎貝寶駒: 表現令人失望
占美大亨: 韋德堯騎同其他騎師鬥, 真係低幾個level :ppp:
戶外名駒: 唔夠級數
人人興旺: 唔夠級數
卡達聖: 唔知咩事, 睇多場睇下點
勁飛寶: 走去快放幫川河勁駒, 結果幫左步步穩, 今仗賽績可抹左去, 下仗配韋達要留意

國泰航空香港盃
加州萬里: 告東尼的戰術十分成功, 人馬表現出色, 恭喜! :gggg: :ccccc:   
魔法幻影: 再1次2nd, 輸在無馬幫佢手整快個步速, 人馬表現十分出色 :ccccc:   
雄心威龍: 表現令人失望, 韋達騎得好柔, 睇下下場邊位騎師騎先再留意
天鷹翱翔: 跑香港的賽道真係麻麻
滿綵: 今場係幫廐侶, 所以此場賽績可抹左去, 下仗要睇係唔係幫廐侶 :fff:
曬冷王: 唔夠級數

[ 本帖最後由 kmbsuperbus 於 12/12/2011 11:57 AM 編輯 ]
頂部
kaosen
虛擬馬主
Rank: 6Rank: 6


UID 5927
精華 0
積分 0
帖子 13398
港元 278 萬
存款 0 萬
聲望 170
閱讀權限 20
註冊 12/12/2010
發表於 12/12/2011 05:31 PM  資料 短消息 
當國際賽前席,我同幾位朋友有傾過香港今次同外隊交戰既比數會係點,我朋友攪笑地就話: (皇馬贏巴塞幾多粒,香港就贏足佢咁多場)  我地成炸朋友都十分擔心,因依位朋友既威力可以說有依神既五成@@  
  正當我星期日朝早起身唸住去飲茶既同時,驚發現皇馬輸1比3比巴塞,我突然呆左一下,之後即刻打比依個多口既朋友,佢二話不說便知我來意,一句中的說:今日香港隊馬膽3比1; 我回應佢一句(客觀咁形容破碎家庭既說話)回應佢,便cut線@

         第一場 國泰航空香港瓶
   其實依場未開跑既時候,相信大多馬迷同我一樣,都無唸過港隊會有隻馬跑到咁近,當然自由好都未做到最好,其實直路搵位唔洗咁煩,中檔轉出就已有機會,依隻馬依神無再支持佢就真係有貨交,只要出年不再神化,大有機會走上馬王寶座@多利得,其實依隻馬真係唔係咁超,法國跑開二,三級賽起家,路程指性跑到上三千二,今場贏二千四其實多多少少都同走位同硬騎有關,出年睇下佢會點走佢既路,但我就唔樂觀@  

其他: 銀塘勝景,跑得較為失望,最有記憶都要call馬個個成日叫銀行勝景
           紅色禮物: 我認為依隻馬仲有進步空間,依一場既手法都值得懷疑
          鑄鐘大師 : 早已說過依隻馬唔夠級數,輸過比信可成真十個馬位既馬何足掛牙,明年還是高多芬開路份子

國泰航空香港短途錦標 :
          火箭人: 跑完都証明騎師功架未到,馬都唔fit ,依隻再試多幾場無貨交就係咁先
     獨掌全權 : 真係唔夠依個級數,明年歐洲賽請自行再努力
       真機伶: 都盡晒力,咁樣塞車真係唔幸運
     天久:贏盡級賽,今年各級數希望
      joy and fun : 今場可能只係博殺先只會跑得咁好,未來不睇好
      繽紛: 真係場場都差少少咁,睇下仲有無得跑更好,無既話出年都係做三甲王
       流水: 依隻投注個陣不防飛一飛,依一隻一係贏,一係就輸好遠

國泰航空香港一哩錦標
    賽前已說過都市風光唔野少,今場獎金,三甲份子@ dubawi g0ld 都要博個好價錢等香港買家@   賽後本人都中左條軍事攻略+都市風光PQ ,雖然比步步穩殺左條連贏,但我都開心,依隻老黃忠有咁既表現交得出@
       有好多人話連依隻馬都跑得贏,香港係咪真係無馬? 我又唔係咁睇,雖然今場個時間幾快,但只係勁飛寶一隻馬放快左,步步穩打後都係慢步速跑,依一場美其名頂多都係話食步速,加上軍事攻略真係咁樣搵位法,依場跑多五十米就唔同結果,不過賽馬就係咁樣先有趣@

國泰航空香港盃 :
     今日收錢最多之一場,係依場賽前,本壇討論區有一個留言指出今日幾場一級賽都係比D要報仇既人馬組合,頭場既手痛力,日本失意既天久,上年退出既步步穩,有好多人都唸緊依場會唔會又咁既同時,我一句回應答: 明紹仔 @  加州確實唔贏都唔得@ 但我認為加州仔太熱,正當我唸住簡隻外隊馬串連贏既同時,比我見到依神既偉論令我收手,最後我買了一條由失意既明紹仔,加埋岩岩摩法幻影完既魔法幻影串Q @ 收錢固然開心,但最開心都係開心明紹仔,唔係因為佢係香港人,係佢由上年女皇盃,之後新加波,忍左咁耐,依場佢終於爆發,外面既魔法幻影都交出水準串Q @@
      加州仔今場後勁之態令人害怕,長遠睇明年大有作為,只怕雄心威龍@ 我認為今場既雄心威龍只係中左慢步速加埋馬本身未到高峰先輸,高低之分還待明年,魔法幻影依場回復也簡單令到明年天下三分之勢,馬迷也有一場好戲睇@


總結說,其實今年香港隊既成績無人會唔讚好,三W 1Q   @@ 大長程上自由好既回力,加上未來實力回復既火龍駒同好先生令人期待, 二千米上既天下三國之勢簡接係十年難得一見之好賽@







頂部
CJ.
虛擬馬主
Rank: 6Rank: 6



UID 6279
精華 0
積分 0
帖子 21050
港元 3408 萬
存款 10 萬
聲望 422
閱讀權限 20
註冊 11/9/2011
來自 HK
發表於 12/12/2011 07:37 PM  資料 短消息 
香港瓶:
多利得:果然係係墨爾本盃冠軍,有強勁爆炸力,2400特佳,高對手幾皮,當法國馬王指日可待
自由好:2400果然先係最好,人馬都發揮得好好,又讚下方仔,只因對手太強,已跑出本身最佳水準,為港隊爭番一口氣,自由行2世,日後看來都是易位難嬴
香港短途錦標:
天久:嬴得精彩,鬥心好強,人馬表現十分出色,但此馬1200非最強,但在港已夠嬴,日後回爭1600會更強,但暫時在港跑1200可繼續挖金
蓮華生輝:日漸老退,係時候光榮退役
時尚風采:表現令人喜出望外,老馬回勇,都爾騎得好,超水準演出,已超額完成,告達理功不可沒
小橋流水:發揮未如理想,走勢普通,對沈集成不抱太大期望
盈彩繽紛:韋達已發揮一絕,毫無犯錯,一步不蝕都嬴唔到,睇離唔到一級實力,但跑本地級際賽仍有力入3甲,當對手有閃失便有機會突圍而出
讚惑:大摩自視過高,影響馬匹部署經典一哩,1200實力就係得咁多,睇下之後跑番一哩表現又如何
香港一哩錦標:
步步穩:簡直係老王忠之中既老王忠,向人馬致敬,9歲都仲可以嬴一哩錦標,大摩練老馬果然犀利
軍事攻略:人馬已發揮得好出色,只可惜留得太後,追唔切,一向認為此馬2000最好,實力絕不在魔法幻影之下,期望佢跑香港金盃,然後進軍杜拜免稅店盃
香港盃:
加州萬里:蔡明紹跟足指示嬴國際一級賽,值得高興,告仔戰術非常成功今場一步不蝕之下嬴馬,馬實力超卓,睇下會唔會跑杜拜,同軍事攻略鬥過
雄心威龍:上場用得太多,狀態不及上季,始終對老苗冇咩信心,睇下日後進度又如何
魔法幻影:表現已非常出色,可以話係好過上季香港盃時既表現,大摩場上戰術失敗,跌落超慢步速陷阱,咁都有第2跑番2400在香港應該可以橫掃
滿綵:只是護航作用,級數遠不及對手
曬冷王:出離又唔造步速又唔開路,唔知出離做咩

[ 本帖最後由 CJ. 於 12/12/2011 08:36 PM 編輯 ]
頂部
neeDu
虛擬馬主
Rank: 6Rank: 6



「馬場大亨 - 團體賽(勝利數組別)三甲」  
UID 5097
精華 0
積分 0
帖子 8148
港元 12355 萬
存款 10 萬
聲望 30
閱讀權限 20
註冊 15/2/2009
發表於 12/12/2011 08:35 PM  資料 短消息 
尋日係一年一度既國際賽日,可惜冇直擊頭3場國際賽事,但最令我驚喜係港隊竟然可以4場捧3盃,而其中失落既香港瓶最近亦有自由好跑第2,實在係難得。

首先講第一場香港瓶,賽前我最睇好係威達馬,可惜鞍上人竟然慢閘,雖然場地亦有影響,但馬匹慢閘而未能採用最佳跑法已經係致命傷,所以落敗亦有原因。頭馬多利得賽前被馬迷十分睇好,可惜我自己就唔信,結果走寶,經此一役證明其嬴墨爾本盃唔係負碌。第2名自由好真係最令我驚喜,賽前估佢頂多跑第5,點知今場竟然能夠跑第2,有人認為柏寶早走導致落,但我卻持相反意見,今次跑第2係柏寶功勞。平頭第3既銀塘勝景同紅色禮物亦係意料之內,反而比較失望既係鑄鐘大師,沿途好位但直路衝刺唔係預期之內好可能質素唔係想像中咁高。至於個隻始創先鋒,對鞍上人發揮不予置評。

到跟住第2場短途錦標,係預賽嬴馬既小橋流水被捧至不足3倍既大熱門,可惜老巫陣上取位失敗,仲俾韋達拎左佢個正位。其實正如網友西人堅所講,頭4名同第6名就算跑十次,十次都可能有唔同賽果。點都好,今場頭3名騎師發揮實在係好好,如果大家有留意,佢地3隻馬轉彎時既位置都比前半段前左大約兩個位,都可以話勝負取決於走位。當然,時尚風采係值得尊敬,畢竟年紀咁大加上有傷底仲可以有咁既成績。至於今場外隊馬,最近既真機靈亦係預料之內,如果唔係跟錯目標,可能名次會更近。其他馬好似讚惑咁,唔好將呢場睇得好重要,呢隻馬仲有上升空間。

第3場國際賽係一哩錦標,賽前盡歡騰退出真係令呢場賽事失晒色,但係亦有驚喜,港隊步步穩達9歲高齡仲可以揚威國際賽,亦屬難得。同廄馬軍事攻略只可以話失運,入直路被多番碰撞亦能夠跑第3,但同頭馬距離只差一條頸位,只可以嘆失運。外隊馬都市風光同杜拜之金可以話係全場最蝕就係佢地兩匹馬,前駒3疊望空亦可以後上得第2,表現其實係最好個匹,至於杜拜之金真係睇少左佢,14檔咁難跑都可以跑入一席咁近既第4,證明里程未達最高峰,看看往後會否更有進步。最失望係卡達聖,完全跑唔出應有既水準,我睇好既莎貝寶駒亦係比較失望。

最秘一場係重頭戲香港盃,上場跑雄心威龍既紀仁安,發揮備受爭議,至於今場雄心威龍落敗既原因同上場有冇關係就不得而知,馬王今場跑法冇錯,只係入直路透出看似大把在手,卻在最後一百多米乏力,跑僅頸4,未知會否係上場用力太多。香港馬王落敗,另一隻歐洲年長馬王天鷹翱翔亦告落敗,只係跑第5,今場蘇銘倫跑得太差,留後不特止,仲要塞下塞下咁直到過終點,睇到唔少人眼火爆。講返主角加州萬里,上場直路明紹俾人四面定擊跑梗頸4,又係俾馬迷鬧到pk,今場告仔戰略得宜,搵老巫開路,佢就跟住個靚位第3,直路雖然一度驚險看似冇位,但到最後一百已奠定勝局,功又唔可以全歸告仔,兩位騎師都應該一讚!!

總結,今年國際賽未算十分精彩,但亦都睇到我地熱血沸騰。


[ 本帖最後由 neeDu 於 12/12/2011 08:36 PM 編輯 ]
頂部
小武士
虛擬馬主
Rank: 6Rank: 6


UID 3452
精華 0
積分 0
帖子 6092
港元 2609 萬
存款 0 萬
聲望 0
閱讀權限 20
註冊 1/12/2006
來自 Sweet Memory
發表於 12/12/2011 09:30 PM  資料 短消息 
香港瓶

唔多講 呢場係騎功欣賞賽
你睇下自由好鞍上人表現同埋始創先鋒鞍上人表現
都值回票價 (前者真係show騎功 後者就娛樂大眾)
希望下年自由好仲有呢個狀態啦


香港短途錦標

新舊短途精英交棒儀式
不過宜家枝棒好似幾匹馬拎住左
唔似以前精英大師 騏綵 蓮華生輝年代有一個大將領軍
如果天久番上去一哩發展
咁呢枝棒應該都係屬於盈彩繽紛同小橋流水


香港一哩錦標

結果意料之外 純古怪步速同大熱亂走位問題
今屆最佳一哩馬一定係軍事攻略 別無他選
不過點都好 由上年開始 呢個杯就危危乎
今年唔好彩就會俾外隊食左隻杯


香港杯

邊個話香港唔打得teamwork?
老巫慢放開路 明紹跟實等位即爆
不過無外國d teamwork咁明顯咁解 (其實一哩個場勁飛寶都幾明顯:yyy: )
呢場告仔 老巫 明紹 真係good show
雄心威龍 韋達算騎得好
匹馬狀態未到top 加上慢步速 最後150有出到頭 已經好好
魔法幻影呢匹馬真係黑 上年遇飛雪
今年遇到後勁拍得住飛雪既加州萬里
呢匹遭遇有d似自由好 睇下遲d有無機會偷番一場G1啦

[ 本帖最後由 小武士 於 12/12/2011 09:32 PM 編輯 ]





頂部
阿源
超級版主
Rank: 8Rank: 8


「馬場大亨 - 團體賽(勝利數組別)三甲」  
UID 3816
精華 3
積分 0
帖子 17648
港元 1818 萬
存款 0 萬
聲望 115
閱讀權限 101
註冊 5/6/2007
來自 Optimiste
發表於 12/12/2011 10:54 PM  資料 文集 短消息 
今年港隊大豐收,一用取得3冠3亞2季的空前成功,以前主隊只能靠精英大師,蓮華生輝,爪皇凌雨,好爸爸等馬王份子才有力與外隊對抗,今年卻是群雄並起的局面, 這樣的成績代表了香港賽馬整體實力的提昇,可喜可賀.

短途錦標
天久在香港報了在日本的一箭之仇,人馬都表現出色,在曰本歸來之後,一直為今場做準備,無跑馬會短途錦標乃明智之舉,今場正是贏在體力優勢,論馬應不及盈彩繽紛.
盈彩繽紛今仗韋達取位巳一絕,不過計鬥末段的狠勁仍然係差多少.
今場最令人驚喜的馬匹係時尚風采,之前身受重傷,而且巳8歲之齡,今仗差點偷襲得手,不得不為告達理鼓掌.
小橋流水演出令人失望,看來上賽巳跑盡,沈集成訓練大賽馬的功力仲係差少少.
讚惑係一匹1400馬,可惜國際賽無此路程
火箭人,蓮華生輝兩匹前馬王今排檔差真係雙雙跑到無影,黃金期巳過,不能苛求.

一哩錦標
步步穩上季成大熱門卻在閘前退出,以為注定和國際賽無縁.今季成66倍大冷門卻遇到最有利的形勢,今場的步速成了致勝的關鍵.
軍事攻略應該是此組實力最強的一匹,今場直路上受到重重圍困,最後後上不及跑第3,相當可惜,不過賽馬就是這樣的,無可能場場都會取位順利,這是後上馬必然的風險.

香港盃
今場是告東尼在戰略上的重大勝利.賽前巳估計到出現慢步速,所以派滿綵慢放,讓排一檔的加洲萬里守住內檔三,四位.直路上一攻而破,贏到精彩.
魔法幻影受制於慢步速,姍姍來遲,下仗香港金盃,大摩必會派出馬海戰術,控制步速,有力反先.
馬王雄心威龍今仗基本上無跑錯,但直路上望空後明顯失去了上季摧枯拉朽般的氣勢,可能係上季拼搏太多,體力巳下滑.
兩匹歐洲G1盟主表現令人失望.以前此等歐洲頂級G1馬在香港只靠質素就足以取勝,今仗港隊包辦連贏,足證香港2000米的實力巳比前更進一步.

香港瓶
多利得可以從2400米贏到3200米,今仗再縮程贏返2400米,真係一匹不可多得的忠心好馬.
自由好在強手林立的賽事中跑到第2,巳令人喜出望外,畢竟香港全年只有3場2400米的賽事 ,除非馬會增加幾場頂級長途賽,否則馬主亦不會願意花大錢購入優秀長途馬.當初聽說自由好為了避馬王而選擇跑瓶,我個人巳認為香港瓶的對手也一樣強,與其避馬王,不如跑回自己最正宗路程.如果自由好當初選擇跑香港盃,不知戰果會如何,雖然這個問題巳找不到答案,但係跑回自己最正宗路程的思維應該值得參考.

極品絲綢巳經整整一季無表現,而且本身也沒有2400的賽績支持,希望馬會日後不會濫芋充數,這樣對賽事的水準不是一件好事.

[ 本帖最後由 阿源 於 13/12/2011 09:03 AM 編輯 ]










頂部
mR.偉
虛擬馬主
Rank: 6Rank: 6



「馬場大亨 - 團體賽(勝利數組別)三甲」  
UID 5497
精華 1
積分 0
帖子 17202
港元 1623 萬
存款 10 萬
聲望 19
閱讀權限 20
註冊 30/11/2009
來自 鳥托邦
發表於 18/12/2011 09:03 PM  資料 短消息 
今年港隊成績應該係歷來之冠,4場賽事取得3W1Q:jjjj:
香港短途錦標
今年既冠軍係天久,佢跟本應該一早就贏左場Int G1,就係日本果場,點知比人打矛波
今場名正言順拎番場G1,可喜可賀:gggg:上番1600可能仲勁D添
跑第2既就有2隻,分別係盈彩繽紛同埋時尚風彩,
盈彩繽紛賽前操練唔完整都可以跑番個第2,鬥心超強:jjjjj:韋達都騎得好好了:jjjjj:
時尚風彩雖然年紀禁大,都可以禁樣跑番個第2,都值得一讚:jjjjj:
小橋流水都盡曬力,都係得個第4:ppp:
讚惑跑1200明顯地嫌短,目標應該係今年場經典一哩:lll::lll:
真機伶黎到香港都可以跑得接近,番日本應該都幾屈機:fff::fff:
蓮華生輝終於都要退下來了,今場明顯地係老退曬....感謝佢多年來的付出:gggg:
火箭人唔識講:llll:
國泰航空香港瓶
呢場年年都比人當係提款機禁黎搶錢,雖然今年頭馬多利得都係外隊馬,但係我地港隊既代表自由好都能夠跑入一個第2:iiii:
多利得人馬表現出色,韋紀力今年真係屈曬機:lll::lll:
自由好人馬表現我認為比頭馬更為出色,柏寶完完全全將隻馬既實力騎曬出黎,抵讚:iiiii::jjjjj:
紅色禮物都跑盡比你睇:yyy:
火龍駒就去完澳洲番黎都預左無料到,等遮打盃吧:zzz:
極品絲綢呢隻過氣打o比冠軍,2400擺到明就唔到,跑唔番了
好先生跑番本地一級賽可留意:fff:始創先鋒馬有人無既絕佳例子,安藤叔你好野:iiiii:
鑄鐘大師唔知點解會係大熱同,係外地兔黎嫁喎:ooo::yyy:
威達馬場地問題:ppp:
國泰航空香港一哩錦標
向步步穩Saluet:iiiii::iiiii:
佢可以以9歲高齡再奪一級賽真係超好野:gggg::gggg::gggg::gggg::gggg:
亦都要讚德叔今場醒同埋大摩真係:iiiii::iiiii:
城市風光人馬表現都出色:jjjj:
軍事攻略我諗本身應該贏既係呢匹la應該,賽前見佢狀態谷到上頂點,但係無運.冠軍一哩再見吧:jjjj:
杜拜之金騎果個騎得好:jjjjj:
川河勁駒我諗呀蔡係想用呢隻黎偷,但係實力,,:yyy::yyy:
締造美麗步已退:aaaaaa:
卡達聖1600明顯係短,加上氣管有血:ooo:下場先睇la:zzz:
勁飛寶個馬主轉埋倉添,可以講咩:kkkk:
國泰航空香港盃
加州萬里贏就贏在告仔戰術成功:jjjjj:搵老巫黎開路:jjjjj:
當然,人同隻馬都強勁:gggg:
魔法幻影又係一隻失運馬,狀態谷到頂點,同上年一樣,上年就預著超級馬女,今年就預左超級戰術,真係無運:ooo::ooo:
雄心威龍今場同上場一樣係果個位停,其實睇隻馬賽前好似無乜火禁,唔知係好定係壞,
老苗:ooo::ooo:
天鷹翱翔輸左步速:llll::llll:
前衛先鋒靠步速,雷哥:ccccc:
滿綵用意鮮明,開路用:yyy:
曬冷王出黎都唔知做乜,又唔係黎拉步速,級數明顯唔夠,賽後聽講蹄甲有事:ddd:

總括:今年港隊既成續比前果幾年有大幅既進步,希望香港既中長途水準會越黎越高,產出更多既好馬同馬王:jjjj:

[ 本帖最後由 mR.偉 於 18/12/2011 09:27 PM 編輯 ]




頂部
EternitY
總舵主
Rank: 10Rank: 10Rank: 10


「馬場大亨 - 個人賽冠軍」   「馬場大亨 - 個人賽三甲」   「馬場大亨 - 團體賽(勝利數組別)冠軍」   「馬場大亨 - 團體賽(勝利數組別)三甲」   JRA Online --- The Best Owner 2009  
UID 16
精華 20
積分 3265
帖子 10869
港元 11719 萬
存款 5000 萬
聲望 432
閱讀權限 102
註冊 4/10/2003
發表於 25/12/2011 04:45 PM  資料 文集 短消息 
編號: 52758用戶名: EternitY操作: 用戶獎勵金額: 20 萬操作時間: 25/12/2011 04:43 PM對方用戶名:天使小帕,細B,kmbsuperbus,kaosen,CJ.,neeDu,小武士,阿源,mR.偉
-------------
今年個個都好俾心機寫 ... 同分 :rrrr:




頂部
細B
虛擬馬主
Rank: 6Rank: 6


UID 3724
精華 2
積分 0
帖子 6328
港元 1831 萬
存款 0 萬
聲望 15
閱讀權限 20
註冊 26/4/2007
來自 Zain
發表於 25/12/2011 05:30 PM  資料 短消息 


QUOTE:
原帖由 EternitY 於 25/12/2011 04:45 PM 發表
編號: 52758用戶名: EternitY操作: 用戶獎勵金額: 20 萬操作時間: 25/12/2011 04:43 PM對方用戶名:天使小帕,細B,kmbsuperbus,kaosen,CJ.,neeDu,小武士,阿源,mR.偉-------------
今年個個都好俾心機寫 .. ...

:hhhhh: :hhhhh:  GDGD!!




頂部
 


當前時區 GMT+8, 現在時間是 28/3/2024 04:45 PM

    本论坛支付平台由支付宝提供
携手打造安全诚信的交易社区 Powered by Discuz! 5.0.0  © 2001-2006 Comsenz Inc.
Processed in 0.020856 second(s), 7 queries , Gzip enabled
The style designed by e-Fresh WorkTeam

清除 Cookies - 聯繫我們 - RacingWorld - Archiver - WAP