賽馬世界 - Powered by Discuz! Board

標題: (河馬仔專欄)諾士佛臺『Paparazzi』行政午餐評論 [打印本頁]

作者: 河馬仔 時間: 22/10/2011 10:27 PM 標題: (河馬仔專欄)諾士佛臺『Paparazzi』行政午餐評論

『馬場樂子(妹)』: 性格開朗,有點大頭蝦,除主力賽馬專欄外仍會介紹飲飲食食

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』: 馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.

『司馬蓮華』 : 馬場彩珠的好朋友及飲食同好,來自潮州,語尾有時會帶一點尾音.性格溫柔但思想天馬行空,喜歡可愛得意事,在假日偶然會開私房形式的女僕Cafe,名為『潮州メイドCafe』...

(漫畫部份)

(文章部份)

彩珠 : 講咗咁耐,不如今集節目的飲食題材就用明星做餐廳特點好嗎?您睇睇呢間?

MARY : Paparazzi,狗仔隊?會唔會有狗仔隊影我哋食野架?

彩珠 : 我相信唔會有人有興趣影我哋呢..........

樂子 : 用Paparazzi做店名,仲要位於尖沙咀的諾士佛臺呢個地段,有種俾人蘇豪嘅感覺呢.

MARY : Paparazzi此字原來來自意大利60年代的電影<La Dolce Vita>呢,唔講唔覺原來都有50年歷史.

彩珠 : 店內裝修都有這種風味呢,入來看看吧

彩珠 : 唔知大家又認得幾多位世界超級巨星呢?奇連伊士活的西部牛仔Look一定深入民心呢!

蓮華 : 店內頗有古典味道,特別係坐椅最有這種感覺吶!

樂子 : 餐牌上有行政午餐SET,又係時候開餐呢,一人揀一個,食完就做節目!

樂子 : 頭盤我就先揀炭燒珍寶菇伴意瓜+鮮蟹肉茄蓉湯.個珍寶菇好像有陣陣的松露香氣般吸引,食落夠腍再加上爽口的意瓜,好配搭呢!蟹肉加茄蓉的湯係就係OK好飲煮得都幾綿,不過總覺得配搭有點唔多合襯.

樂子 : 主菜就係炭燒紐約牛扒配黑松露燒汁,五成熟的牛扒永遠係我的至愛呢.呢道嘅牛扒咬落非常JUICY,黑松露燒汁有能夠帶動肉味,而牛扒質地一D都唔過火,彈性豐足,讚呀!

馬場樂子---對炭燒紐約牛扒配黑松露燒汁SETLUNCH之評分:

彩珠 : 我就要酥炸芝士配提子甘菜沙律+鮮帶子南瓜忌廉湯.南瓜湯的確頗甜亦較CREAMY,最突出就是酥炸芝士,這個芝士外面有點硬的感覺但內裡很軟,有點像春卷之感覺好香口,再加上一些沙律伴食,幾有驚喜.

彩珠 : 主菜是炭燒紐約西冷牛扒配芥末子燒汁,我又試試細妹個牛扒比較下先...

樂子 : 我又試家姐個D......

彩珠 : 比較上肉質一樣,5成熟的牛扒都一樣香,兩樣都好食,味道和樂子的都不徨多讓呢.

馬場彩珠---對炭燒紐約西冷牛扒配芥末子燒汁SETLUNCH之評分:

MARY : 我嘅薄切鮮吞拿魚柳配三文魚籽+鮮蟹肉椰菜花忌廉湯都嚟到啦.加入檸檬汁後吞拿魚柳嘅綿綿肉質加上脆卜卜嘅三文魚籽,配合出清新感覺.而最驚喜就係個湯好多椰菜花之餘味道亦非常濃郁.最值得一提就係呢度嘅麵包熱辣辣,加入鮮蕃茄醬,清新度升GRADE!

MARY : Main Dishes係香煎彭瑪風腿薄豬柳砲瑪沙拉香菌汁.

樂子 : 瑪沙拉???

MARY : 瑪沙拉酒(MarsalaWine)係一種類似加了白蘭地的意大利葡萄酒,飲用時有時會放在頭盤同芝士等等之類一齊食呢.而TIRAMISU就好多時用到呢種酒呢!而MarsalaSauce就係瑪沙拉酒+牛油+肉汁之類煮出來呢.而呢類汁加上鹹鹹地嘅彭瑪風腿(Parma Ham)就好似令肉味更加馥郁之餘,加上豬柳夠彈牙,塊豬柳再厚D就仲正!

MARY CHAN---對香煎彭瑪風腿薄豬柳砲瑪沙拉香菌汁餐之評分:

蓮華 : 我要就是薄切風腿菠菜沙律配蜜糖芥菜汁+意大利香草蕃茄湯咧.蜜糖芥菜汁少少甜配了風腿及菠菜,,味道有點兒帶甜而質感有點薄片兒呢.最喜歡就是這個紅紅的湯,看完已經很開心吶.試一口就覺得蕃茄蓉的密度很足很強力,當然味道亦不造作,讚哩!

蓮華 : 這個就是燒三文魚柳配菠椒香檳汁,最『牛』之處就是魚肉非常嫩,而魚皮卻是香脆非常.菠椒香檳汁都是有點輕輕的甜味,不會掩蓋了魚的工夫呢!

司馬蓮華---對燒三文魚柳配菠椒香檳汁餐之評分:

樂子 : 食飽飽呢!仲會有小甜品同咖啡呢,好大杯噃!

MARY : 咖啡好香呢,又夠厚,加入多多嘅淡奶...

彩珠 : 好滿足呢!

是次食物人均相對消費 :(越多$越高)

(漫畫部份)

以下是主理假日才開門的《潮州メイドCafe》之看板娘---司馬蓮華的一段小讀白:

｢食物、座位、餐具都準備好呢，一切都準備就緒。現在還距離開店有三十分鐘，還是做些少熱身運動吧。近期雖然都有繼續跳芭蕾舞但好像少了運動，還是做一些柔軟運動壓腿動作熱身呢，多點運動對身心健康都會有好處呢。｣

在此希望大家在工作繁忙之時，也要做適量運動呢!

今次由河馬仔設計及監製、由香港畫師Half Boiled繪製而成。以<共享創意署名-非商業性 3.0 香港授權條款>發放。

*(圖中所述之故事及看板娘人名純屬虛構、如有雷同、實屬巧合。)

歡迎光臨賽馬世界 (http://racingworld.no-ip.org/)