標題:
周汶錡隨緣做龍年新娘
[打印本頁]
作者:
帶來吉利
時間:
27/1/2012 01:25 AM
標題:
周汶錡隨緣做龍年新娘
別以為名模周汶錡（Kathy）好新潮，講到過年，很多傳統習俗都會做齊：買桃花、整全盒、食團年飯，甚至用碌柚葉沖涼和年初一唔洗頭。日前她更到圓玄學院拜神祈福，她表示拜了多年，唔拜唔舒服。問她會唔會祈求做龍年新娘，她續說：「隨緣啦！」
由於周汶錡近年都有去圓玄學院，一去到，該院職員已認得她，並笑言：「你個細妹（周麗淇）仲未嚟喎。」然後對方教她應該點拜先啱。但程序似是複雜，聽到Kathy一頭煙。所以進行其間，她一邊拜，一邊問助手。當遇到大家都摸不着頭腦的問題時，幸好有善信在旁邊提點，認真好人。
雖然有幾年經驗，不過她裝香時還有點戰戰兢兢，怕做得唔啱，又怕啲香「辣」親手。祈福時，她合上雙眼，誠心祈求；新年願望是出入平安，身體健康；問她會否與男友Julien拉埋天窗時，她就撒嬌說：「我唔係求姻緣喎，隨緣啦！」她表示今年不會在香港過新年，相約朋友到法國滑雪，不過事前都會與家人先吃團年飯，她坦言：「呢啲傳統嘢一定要做。」
問她過年要準備嗎？她續說：「辦年貨由媽咪去做，我都係買花，同負責整全盒，因為我好有心機整，會整得好別緻㗎！細個最鍾意食利是糖同椰子糖，仲有幫婆婆整角仔，（要買新衫嗎？）細個就要，全身都紅色，成個利是封咁，年三十晚都要用碌柚葉沖涼，由頭洗到落腳趾尾；由於年初一唔准洗頭，所以嗰晚我會做晒啲嘢先出去行花巿。」
歡迎光臨 賽馬世界 (http://racingworld.no-ip.org/)
Powered by Discuz! 5.0.0
