標題: (河馬仔專欄)7月15日灣仔Greco π 希臘快餐+『樂子大鑽鎚』 [打印本頁]
作者:
河馬仔 時間: 14/7/2012 11:00 PM 標題: (河馬仔專欄)7月15日灣仔Greco π 希臘快餐+『樂子大鑽鎚』
『馬場樂子(妹)』(18) : 兼職網上賽馬節目之看板娘，亦在大學讀書。
『馬場彩珠(姐)』(18) : 樂子的孖生家姐，和妹妹樂子一齊在同一間大學讀書。
『Mary CHAN』(18) : 馬場姊妹的大學同學及網台同事，間唔中會放學後一齊食飯。
(文章部份)
樂子 : 香港人食快餐食得多，而且款式都幾五花八門。
彩珠 : 其實各個地區都有不少的快餐文化，如果不計一些誇國企業，各國的快餐所食的食物都好有分別呢。
Mary : 係呀，今次我地想講講嘅就係歐洲近期經常被新聞提及嘅希臘，因為佢地都有佢地特色嘅快餐。
樂子 : 而香港係其實有地方搵到，今次講嘅就係位於灣仔港灣道灣景中心嘅Greco π啦。
彩珠 : 3.1415...........個名都好希臘呢。
樂子 : 地點係有蓋不過就幾open，平時都有好多外國人坐坐啦。
彩珠 : 店主及大廚係外國人，雖然不知道他是不是希臘人，但他卻是非常好傾講的，和客人傾講時表情多多。
Mary : 餐牌其實有set架，有埋單張呢。
Mary : 其實今次要講嘅希臘平常都會到處有得賣嘅食物就係Souvlaki，可以話係希臘式嘅漢堡包。相傳古希臘大詩人荷馬已經約略記載過有這樣嘅食物。而您見到有好多英文字係Souvlaki之後，主要原因係個餡料或者麵包嘅樣有分別。例如A餐嘅KALAMAKI代表肉係切丁粒，經過用希臘式嘅方法醃製而燒烤。B餐嘅PITA代表中東包，係平常把烤肉一片片或一串串同埋配料一齊包係中東包內。
彩珠 : 接下來就由我講啦，因為太長了。D餐的MERIDA代表portion(一部份)，可以話把包內材料打散分開在碟上。而最後的SKEPASTI其實住地方名，係希臘屬土之克里特島的北部的度假勝地呢。
樂子 : 都係唔好講咁多啦，快啲一齊試下呢個Souvlaki-Pita呢。
樂子 : 用中東包包上雞柳條以及脆薯條，鮮茄，洋蔥，芫茜及秘製汁醬等等。希臘人有時會邊行街邊食呢，傳聞第一間係希臘開嘅Souvlaki餐廳係20世紀50年代。入面雞柳燒得幾香之外，仲要加上一些脆薯條真係香上加香。入面再有不少嘅蔬菜的確唔會令個包好油，係乾少少但如果飲埋支希臘礦泉水就冇乜問題呢，真係幾香口好味道。
馬場樂子 --- 對Souvlaki-Pita之評分 :
彩珠 : 這裡有個小甜品呢，係希臘蜜糖核桃乳酪，入口感覺都幾黏口，雖然乳酪都幾重羊奶味，不過配上蜜糖及核桃感覺又唔係好甜，但質感就有點複雜，可以試試的。
馬場彩珠 --- 對希臘蜜糖核桃乳酪之評分 :
Mary : 呢個就係兩人份嘅Souvlaki-SKEPASTI，真係四個女仔分都夠食。
樂子 : 咁我地就留番一角俾蓮華啦。
Mary : 好呀，呢個最大嘅唔同，入面就係加入一些好重羊奶味嘅希臘芝士，加上之前係Souvlaki-Pita嘅相似配料之外，以三文治嘅方法食用。由於較多一些蔬菜感覺反而更清新，芝士味道亦夠濃郁而令感覺更滑呢。
Mary CHAN --- 對Souvlaki-SKEPASTI之評分 :
累積賺蝕 = - $11411
(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)
第一場 :
11. 威陽 - 其實全場馬之中有基本實力可救之馬匹不多，此駒係此群等救之中唯一一隻今年可贏，只是今年季中狀態欠銳。今次晨操狀態頗有突破進步，拍駕寶及十項全能兩課均可拍得輕鬆壓贏廄侶，已到位。
第三場 :
3. 飛快威 - 雖然此駒極難出頭，但近兩仗係明顯破格地連續兩場入圍，上場走盡蝕位下最後幾步追勢同樣厲害。今仗對手似是而非，已抽好檔之下可能係出頭好機會。
第四場 :
8. 勝利駿駒 - 此駒上兩場好明顯已顯示出此分區有強大反彈能力，上仗個第二只是輸一隻順走而走甩群駒之綠色快駒，其他同樣走二疊之喜勝多亦不夠一爭。今仗對手可算更弱，而此駒繼續晨操見醒神，理應是今季用盡。
第七場 :
2. 悅璐孖寶 - 此駒上次柏寶可以放頭形式贏馬，可以證明柏寶對此駒之發揮係非常得心應手，亦可能反映此駒基本潛力及如何發揮得最好之課題，仍然是個謎。
第八場 :
11. 多多利 - 今場快馬未必會少，而此駒能在谷草12檔同樣蝕位下跑得贏隻谷草千二好手帝國勇將，晨操已減少急燥，今次檔位影響較少之下應該可更進一步。
第十場 :
11. 驪龍 - 此駒試閘及晨操已一早擺好狀態，上次泥閘按實而返，不再見後生馬匹搶口之狀。再加上本身此駒在紐西蘭兩場之表現明顯有不同，第二仗一加眼罩之下即可順利出閘已守好位入直路彈出贏一隻二級賽跑第二之Our Famous Eve，今仗情況類似上次贏馬之象，再加上馬主在季初第一場之龍船快跑第二已見好表現，在傳統上好頭好尾，希望能和仔仔隻驌龍一樣一出即勝。
第十一場 :
4. 驌龍 - 雖然此駒從未試過落入華人手上，相信吳嘉晉今次絕對係一個好好的考驗。此駒在陣上頗為容易發揮，千六米十四檔亦較千四安全，而在博完兩場後再因吳嘉晉減磅下得利，而中距離千四千六範圍較出擊千八安全，應該都算穩陣。
配腳要『軍事行動』『醒目精英』『戶外名駒』
『樂子大鑽鎚』(TOTAL $2310)
連贏 ($2310)
第一場 : 11. 威陽 膽拖 全餐 ($10注) : $130
第三場 : 3. 飛快威 膽拖 全餐 ($20注) : $260
第四場 : 8. 勝利駿駒 膽拖 全餐 ($20注) : $260
第七場 : 2. 悅璐孖寶 膽拖 全餐 ($20注) : $260
第八場 : 11. 多多利 膽拖 全餐 ($20注) : $260
第十場 : 11. 驪龍 膽拖 全餐 ($20注) : $260
第十一場 : 4. 驌龍 膽拖 全餐 ($50注) : $650
第十一場 : 4. 驌龍 + 3. 軍事行動 ($30注) : $30
第十一場 : 4. 驌龍 膽拖 6. 醒目精英 + 9. 戶外名駒 ($100注) : $200
『Mary CHAN』(18) : 同人畫師兼故事作者，閱讀是她的習慣，當讀到感人的文章及字句的時候，總會心動一番。
Mary : 無論是文章，漫畫或者是同人漫畫，只要是用心的作品，作者的意念總會傳達到讀者的心坎裡。當然如果遇到令人心動的題材及內容，我的心就總會產生像觸電般的感應呢。唔...剛剛的內容真的很感人又精彩，不過都讀了一陣子，還是望一望窗外景色吧......
(小圖)
(較大的圖)
此Wallpaper由河馬仔設計及監製及持有版權、由香港同人畫師---群千鳥繪製而成。
此Wallpaper亦已參加今次CW同人活動的比賽、希望能取得佳績。
*(圖中所述之故事及看板娘人名純屬虛構、如有雷同、實屬巧合。)
[ 本帖最後由 河馬仔 於 14/7/2012 11:35 PM 編輯 ]
作者:
★麻雀佬★ 時間: 14/7/2012 11:13 PM
希臘快餐
作者:
河馬仔 時間: 14/7/2012 11:18 PM
原帖由
★麻雀佬★ 於 14/7/2012 11:13 PM 發表
希臘快餐
原來我睇番d資料先知佢咁有歷史的
作者:
iamjack 時間: 14/7/2012 11:29 PM
呢間我去過兩次 , 不錯的
作者:
贏馬人 時間: 14/7/2012 11:31 PM
原帖由 河馬仔 於 14/7/2012 11:00 PM 發表
Mary : 係呀，今次我地想講講嘅就係歐洲近期經常被新聞題及嘅希臘，因為佢地都有佢地特色嘅快餐。
有錯字
應該係提及
作者:
河馬仔 時間: 14/7/2012 11:34 PM
謝謝贏馬兄
大家聽日贏多多
作者:
贏馬人 時間: 14/7/2012 11:34 PM
間舖有冇人識廣東話？
作者:
河馬仔 時間: 14/7/2012 11:35 PM
原帖由
iamjack 於 14/7/2012 11:29 PM 發表
呢間我去過兩次 , 不錯的
仲有好多外國人一齊食的
作者:
河馬仔 時間: 14/7/2012 11:36 PM
原帖由
贏馬人 於 14/7/2012 11:34 PM 發表
間舖有冇人識廣東話？
唔係好覺,因為兩位都好似唔係本地人呢
作者:
贏馬人 時間: 14/7/2012 11:37 PM
原帖由
河馬仔 於 14/7/2012 11:34 PM 發表
謝謝贏馬兄
大家聽日贏多多
N年前我做過校對
你都贏多D
作者:
贏馬人 時間: 14/7/2012 11:39 PM
原帖由
河馬仔 於 14/7/2012 11:36 PM 發表
唔係好覺,因為兩位都好似唔係本地人呢
咁我幫襯唔到
作者:
kaosen 時間: 14/7/2012 11:43 PM
原帖由
贏馬人 於 14/7/2012 11:39 PM 發表
咁我幫襯唔到
我都唔識日文 , 你睇片會唔會有問題?
作者:
iamjack 時間: 14/7/2012 11:46 PM
原帖由
河馬仔 於 14/7/2012 11:35 PM 發表
仲有好多外國人一齊食的
其實 ... 我都係幾希望呢類地中海 , 中東餐廳可以成功和平民化 , 可以多點選擇
呢類菜式我都幾鍾意
作者:
贏馬人 時間: 14/7/2012 11:57 PM
原帖由
kaosen 於 14/7/2012 11:43 PM 發表
我都唔識日文 , 你睇片會唔會有問題?
我唔開喇叭嘅
作者:
河馬仔 時間: 15/7/2012 12:05 AM
開headphone就得
利益申報先 : 小弟有學日文的
作者:
河馬仔 時間: 15/7/2012 12:40 AM
7月15日河馬仔『樂子大鑽鎚』投注紀錄
(是日投注總數 $2310)
作者:
贏馬人 時間: 15/7/2012 12:40 AM
原帖由
河馬仔 於 15/7/2012 12:05 AM 發表
開headphone就得
利益申報先 : 小弟有學日文的
我好怕戴headphone或耳筒
我手機個耳筒都未用過
作者:
小野伸二 時間: 15/7/2012 08:16 PM
中兩條q
作者:
贏馬人 時間: 15/7/2012 08:25 PM
原帖由
小野伸二 於 15/7/2012 08:16 PM 發表
中兩條q
cover唔到個本噃
作者:
小野伸二 時間: 15/7/2012 08:27 PM 標題: 回復 #19 贏馬人 的帖子
好過我直落
作者:
河馬仔 時間: 15/7/2012 11:08 PM
原帖由
小野伸二 於 15/7/2012 08:16 PM 發表
中兩條q
其實同輸哂都冇乜分別了,全部大熱Q
作者:
河馬仔 時間: 16/7/2012 01:38 AM
是日<河馬仔賽馬專欄>之心水結果由看板娘馬場樂子報導
(以落敗來完成整個馬季...)
是日賽馬模擬賺蝕 : = + $347 - $2310 = - $1963
累積賺蝕 = - $11411 - $1963 = - $13374
今季賽事全部結束，確實無言以對。<河馬仔專欄>將會休息三星期，直至動漫節才開始重新動筆。至於下季賽馬預測節目<賽馬WQT>之動向及最後定案，請靜待八月公佈，最後多謝各位聽眾及讀者長期支持小弟。
作者:
富源 時間: 16/7/2012 01:45 AM
又有排悶了
作者:
河馬仔 時間: 16/7/2012 11:41 PM
原帖由
小野伸二 於 15/7/2012 08:27 PM 發表
好過我直落
其實我都唔好得好多,大家下季再贏過,留得青山在,哪怕冇馬賭!
作者:
iamjack 時間: 16/7/2012 11:46 PM
原帖由
河馬仔 於 16/7/2012 11:41 PM 發表
其實我都唔好得好多,大家下季再贏過,留得青山在,哪怕冇馬賭!
我今年真錢都係麻麻地 ... 感覺早幾年前有時都可以負負碌碌中下2x3一關 , 好運一點可以起孖
(我通常每次買1~2條2x3PQ細細地玩下)
但 ... 近一兩季成績真係差左 ... 好似今年6月 , 包埋外國馬 , 真係一條都中唔到 ...
作者:
贏馬人 時間: 16/7/2012 11:46 PM
原帖由
河馬仔 於 16/7/2012 01:38 AM 發表
是日<河馬仔賽馬專欄>之心水結果由看板娘馬場樂子報導
(以落敗來完成整個馬季...)
http://im ...
13374÷83次=每次161.1
唔算太多，亦都唔太少，夠我食幾餐飯
作者:
河馬仔 時間: 17/7/2012 09:57 PM
原帖由
富源 於 16/7/2012 01:45 AM 發表
又有排悶了
唔悶唔悶,係唔係明天書展呢
作者:
河馬仔 時間: 17/7/2012 09:58 PM
原帖由 iamjack 於 16/7/2012 11:46 PM 發表
我今年真錢都係麻麻地 ... 感覺早幾年前有時都可以負負碌碌中下2x3一關 , 好運一點可以起孖
(我通常每次買1~2條2x3PQ細細地玩下)
但 ... 近一兩季成績真係差左 ... 好似今年6月 , 包埋外國馬 , 真係一 ...
幾年前我可以一季中到兩三次全餐Q過關,一季都試過收8-9萬
今季都係上次好彩到暈先有得收8-9千....
講真雖然未到心死,但有時都見到心淡
作者:
iamjack 時間: 17/7/2012 10:01 PM
原帖由
河馬仔 於 17/7/2012 09:58 PM 發表
幾年前我可以一季中到兩三次全餐Q過關,一季都試過收8-9萬
今季都係上次好彩到暈先有得收8-9千....
講真雖然未到心死,但有時都見到心淡
唔知點解 , 感覺近季愈來愈難玩 ...
作者:
河馬仔 時間: 17/7/2012 10:01 PM
原帖由
贏馬人 於 16/7/2012 11:46 PM 發表
13374÷83次=每次161.1
唔算太多，亦都唔太少，夠我食幾餐飯
贏馬兄,幾時得閒一齊食餐飯???
好想搵您食飯呢
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |