賽馬世界 - Powered by Discuz! Board

標題: 賴仔：無磅減未驚過 [打印本頁]

作者: 馬俠 時間: 23/7/2012 06:25 PM 標題: 賴仔：無磅減未驚過

馬會自05/06年度馬季推行華籍騎師減磅計劃以來成效顯著，華將的生存空間大大改善。

不過由新季開始，在港累積勝出超過250場華將不會再得此優惠，

換言之，大師傅如賴維銘及鄭雨滇將要與洋將睇齊。

對於頭馬數字剛超過250W的賴仔而言，新政策看似對他最不利，不過他諗深一層，

只要做好自己，相信新季一樣冇有怕！

賴維銘在煞科日策騎「淡淡定」犯規，原本新季一開始便要停賽四日，

不過他向董事要求以罰款代替，結果被判罰六萬大元，

雖然對於收入不算很高的他而言頗為重手，但他卻認為相當值得。

賴仔解釋說：「剛季初我頻頻被罰停賽，令到不少坐騎流失，開壞個頭，最終成績亦有所倒退。

新季我缺少了兩磅讓磅，平心而論影響不會很大，不過我總要做一些事鞏固自己的實力，

因此我寧可付上六萬元，避免季初停賽又再損失坐騎，加上暑期會更積極操馬，

希望加強與各馬房合作，扭轉剛季的劣勢。」

暑期接受激光矯視

賴仔個性比較沉實，不像大部分騎師興趣多多，今個夏天他並無外遊計劃，

原本更申請到新加坡策騎個半月，多賺點收入，雖然最終打消念頭，但他暑期仍有新搞作。

「取消新加坡之行我決定留港消費，同時亦會趁這個空檔接受激光矯視。雖然我的近視不足二百度，

但平日都要佩戴眼鏡，做完手術後相信對生活甚至策騎都會有一定改善。」賴仔續說。

威水時刻邁向從騎20周年　全靠慷慨馬主支持

新季是賴仔在港從騎20周年，雖然一直沒有大靠山支持，

但實而不華兼且循規蹈矩作風足以令他得到不少馬主及練馬師賞識，

因而能屹立多年，例如以往曾為陳克勝及袁滿林名下的「爆發力」建功深受讚賞，

於是兩位馬主所屬的慷慨團體特意再找賴仔出征，造就他煞科日憑「真慷慨」起孖。

此外，谷中煞科夜賽於賴仔胯下爆冷的「高明威威」，

馬主高明團體成員對賴仔騎功亦予以肯定，兩駒皆有分在手，相信新季初會成為騎者爭分之匙。