標題: (河馬仔專欄)新加坡克蘭芝裝修中的馬場小遊蹤及感想 [打印本頁]
作者:
河馬仔 時間: 4/9/2012 03:24 AM 標題: (河馬仔專欄)新加坡克蘭芝裝修中的馬場小遊蹤及感想
($1新加坡元約=$6.2港元)
香港就來有馬跑了，由於馬季一開始都唔慌有得玩，今次小弟就再回到新加坡，每次都會坐接近大半小時捷運(MRT)才到的北部克蘭芝馬場。
今年發現裝了玻璃幕門，但該站路軌仍有這個標示牌。
而今次去到入口，門口變化不多，不過今次就係跑黃昏馬，頭場入去仲係日頭。
當然係要買票入場，如遊客俾錢入場要$4坐樓下公眾席，冷氣麻麻。當然如想舒服可以俾$6坐樓上冷氣雅座。
而入場前有段小斜路，有檔賣華文報紙及馬簿，當地華文報紙約$0.8一份，馬簿就$3-$4，有些會多中文字的。
斜路中都有不少戒賭標示。
其實小弟去克蘭芝馬場數次，總覺得地方乾淨程度不可同我們想像的新加坡相題並論的。而以往樓下的小食店六年前有好幾間乜熟食都有得賣，但小弟都係唔多敢試，罐裝飲品就試過。
但今次有點唔同，因為馬場內外開始裝修，相信香港馬迷都唔係太知道，原來唔講唔知，新加坡馬會同香港差唔多，賽馬會今年係170週年，當時的賽馬會在1842年10月4日成立，而此馬會大樓已用了12年。今年除了大樓內外，連亮相圈都要整。
當然係新加坡的高溫，冇理由唔坐樓上雅座嘅，這種形式嘅馬場大堂相信都會係世界趨勢。
新加坡馬迷同香港馬迷差唔多，霸位都係一份報紙就霸到尾。
跑道都有唔少廣告
新加坡馬場賠率以$5為單位，即係話如果隻馬係WIN係500就差唔多係香港的99倍馬，WIN PLACE都要最少$5注，Q就要$2注，其實比香港要貴。而WIN最少都有派$5.3，PLACE就$5.1，這些點和香港有點唔同。亦有四連環及順序四重彩等等的彩池。
其實您會可能問，馬匹又係邊度亮相，答案係跑道執邊...
跟住行去跑，跑完拉頭馬等等
而本人最想講的就是以往去新加坡睇馬好多時真係唔知邊隻跑邊隻，有時真係唔到終點隻馬去左邊都唔知。而新加坡馬會所用的TRAKUS賽時系統確實在賽事途中及在賽後分析賽事作用頗好，其實香港馬會都可以諗諗在這方面發展的。
而其實場內雖然跑本地馬都唔係好密，但場內的確幾分鐘就見到有人用馬來語或普通話係咁嗌，因為除左本地馬之外，澳洲南非歐洲甚至跳欄賽都有得賭，不過通常歡欣聲少，失望居多。
小弟玩了幾場就回去鳥節路食飯，其實大家都可能知道一些香港人以往熟悉的騎師如貝善利，文羅，卓利，莫雷拉等等現在都在當地策騎。當晚小弟去捧卓利場，都係失望而回。小弟感覺上騎功都係同係香港的時候差別不大，感覺上都係好柔，都係騎貼欄的放頭馬會好少少。
而今次想講有兩件事，首先係雖然入場人士都多數係上了年紀嘅馬迷，雖然都期待場內裝修，但場內衛生問題確有提升的需要，就算是樓上樓下都有不少棄置食物汽水啤酒罐，而且有時連椅子都有不明食物汁液等等。雖然這些事有時都會在香港馬場出現，但估都估唔到係場內都有不少人隨地吐痰，而且感覺上亦較少協助的工作人員等等。有時馬場硬件之外'軟件'上都有好多要改善呢。
第二就是其實一個馬場連續不停受注海外賽事對馬迷來說又是否一種享受?當然我好認同香港轉播外地賽事的確過份地少，但好似新加坡賽事日咁播得咁密馬迷又能否吃得消又真係一個疑問，其實以當天小弟的觀察，賭海外馬的馬迷真的在場內左撲右撲，其實真係睇馬的時間真係短得緊要，而且某程度上有點似賭場多過馬場了。本人覺得享受賽馬係需要一個熱烈的氛圍，而唔係一個賭到咁密又好似賭完又賭嘅地方，每日嗌一兩次大家就會緊張興奮，但要幾分鐘係咁睇係咁嗌的話真係乜熱情都可以冷卻，所以其實賭馬都係小賭怡情，辛苦掙錢係唔易嘅，凡事都係過猶不及呢。
『馬場樂子(妹)』(18) : 性格活潑但神經大條，喜歡動漫亦喜歡馬匹的速度感，同人活動的常客。
『馬場彩珠(姐)』(18) : 樂子的雙生家姐，喜歡攪珠活動，不過亦同樣喜歡一些愛情系列的作品，對同人作品都有同樣喜愛。
彩珠 : 啦啦啦啦啦~~~給您這把扇子吧。
樂子 : 天氣真熱呢，在同人活動用就非常好了，咦，何解今次的場刊及封面的短裙少女如此面善???
彩珠 : 這個pose好嗎?
樂子 : 與現在的您比較來說，我還是覺得封面的一位美一點..........知道了(不要敲我的頭)，這個就是姐姐您嗎.........不過其實這張《馬場雙子之夏日約會》的wallpaper中還有多一間房間呢。
彩珠 : 相信大家入到去今屆Comic World 34都見到這張圖呢。
彩珠 : 首先要感謝CW會方，希望各位入場人士喜歡這個封面及小扇子呢。
樂子 : 在這兒亦非常開心能澳門同人團體無限地雷的畫師小虫合作啦。
彩珠 : 我們希望以輕裝活潑的打扮來迎接活力夏日呢。
樂子 : 今次此Wallpaper由河馬仔設計及監製及持有版權，由澳門同人團體無限地雷的畫師小虫繪製而成。希望繼續傳承同人世界大同，無分地域的精神。
*(圖中所述之故事及看板娘人名純屬虛構、如有雷同、實屬巧合。)
作者:
贏馬人 時間: 4/9/2012 04:21 AM
克蘭芝
撞鬼囉......乜改個咁嘅名？乞X兒
作者:
scorch85 時間: 4/9/2012 11:08 AM
河馬兄本身係新加坡人?
作者:
富源 時間: 4/9/2012 05:15 PM
"其實以當天小弟的觀察，賭海外馬的馬迷真的在場內左撲右撲，其實真係睇馬的時間真係短得緊要，而且某程度上有點似賭場多過馬場了。"
ha~變左賭冧把,只不過骰仔變馬仔
作者:
am20462046 時間: 4/9/2012 05:33 PM
原帖由 <i>富源</i> 於 4/9/2012 05:15 PM 發表<br />
"其實以當天小弟的觀察，賭海外馬的馬迷真的在場內左撲右撲，其實真係睇馬的時間真係短得緊要，而且某程度上有點似賭場多過馬場了。"<br />
<br />
ha~變左賭冧把,只不過骰仔變馬仔
<br />
要增加收入來源,開海外馬是馬會的方法
馬仔是賭錢的工具,骰仔馬仔只是有沒生命與否
作者:
河馬仔 時間: 4/9/2012 09:42 PM
原帖由
贏馬人 於 4/9/2012 04:21 AM 發表
克蘭芝
撞鬼囉......乜改個咁嘅名？乞X兒
贏馬兄,呢個名其實佢地用左好耐了,但唔知點解香港都有時譯可蘭芝馬場呢.
其實呢度係新加坡北部,有過境巴士可以過馬來西亞新山的.
作者:
河馬仔 時間: 4/9/2012 09:43 PM
原帖由 富源 於 4/9/2012 05:15 PM 發表
"其實以當天小弟的觀察，賭海外馬的馬迷真的在場內左撲右撲，其實真係睇馬的時間真係短得緊要，而且某程度上有點似賭場多過馬場了。"
ha~變左賭冧把,只不過骰仔變馬仔
其實個日見D人咁賭法,有時我都覺得咁樣睇馬係唔係有唔妥呢?
作者:
sw 時間: 4/9/2012 09:44 PM
克蘭芝唔係一個攝影馬友好去處..
作者:
河馬仔 時間: 4/9/2012 09:45 PM
原帖由 am20462046 於 4/9/2012 05:33 PM 發表
<br />
要增加收入來源,開海外馬是馬會的方法
馬仔是賭錢的工具,骰仔馬仔只是有沒生命與否
雖然聽落真係好可悲,但有時真係不得不承認............
這點就係我一生中都唔希望見到的
作者:
富源 時間: 4/9/2012 10:08 PM
原帖由 <i>河馬仔</i> 於 4/9/2012 09:43 PM 發表<br />
<br />
<br />
其實個日見D人咁賭法,有時我都覺得咁樣睇馬係唔係有唔妥呢?<img src="images/smilies/hypo_h4h.gif" smilieid="455" border="0" alt="" />
<br />
簡本係為賭而賭,純粹過心癮
不過...運氣好既人咁樣玩都有大錢贏既~不過有幾多幸運超人呀~
作者:
朱健忠 時間: 4/9/2012 10:58 PM
原帖由 河馬仔 於 4/9/2012 09:45 PM 發表
雖然聽落真係好可悲,但有時真係不得不承認............
這點就係我一生中都唔希望見到的
就正響澳門發生緊
我好享受馬匹行沙圈睇佢狀態，所以響現場好少玩轉播馬，有朋友有心水時先睇下，如果兩邊都顧，只會顧此失彼
作者:
河馬仔 時間: 5/9/2012 06:19 PM
原帖由 富源 於 4/9/2012 10:08 PM 發表
<br />
簡本係為賭而賭,純粹過心癮
不過...運氣好既人咁樣玩都有大錢贏既~不過有幾多幸運超人呀~
我賭馬咁多年都好少見
作者:
河馬仔 時間: 5/9/2012 06:20 PM
原帖由 朱健忠 於 4/9/2012 10:58 PM 發表
就正響澳門發生緊
我好享受馬匹行沙圈睇佢狀態，所以響現場好少玩轉播馬，有朋友有心水時先睇下，如果兩邊都顧，只會顧此失彼
其實我都有呢個感覺,有時跑得太密又是否係馬迷之福呢?
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |