賽馬世界 - Powered by Discuz! Board

標題: (河馬仔專欄)9月8日自製港日大份海鮮餐+『真飛心水馬』 [打印本頁]

作者: 河馬仔 時間: 7/9/2012 08:18 PM 標題: (河馬仔專欄)9月8日自製港日大份海鮮餐+『真飛心水馬』

『馬場樂子(妹)』(18) : 網上賽馬節目之看板娘，負責報導賽馬結果，兼任賽馬節目之秘書。

『馬場彩珠(姐)』(18) : 樂子的孖生家姐，在網台節目中除了負責報逢二四(六或日)之攪珠結果外，亦會負責客串一些感情節目。

『司馬騏綵(妹)』(18) : 司馬家的領養妹妹，小時候因車禍失去左手，間中會和姐姐一起到馬場家食飯。

(文章內容)

樂子 : 今晚係網台聚餐呢，要我地搞，阿頭話今次budget可以多少少，食D乜野好呢?

彩珠 : 一大群人食飯，最容易處理都是火鍋。

樂子 : 班同事最鐘意見到大堆頭乜都有，不如今次我地就乜都整下，買D海鮮先。

彩珠 : 有Budget，就可以買大大份呢。

樂子 : 先來就是北海道的刺身帶子，厚肉之餘亦真係好大隻，通常成散壽司飯之中都會用到呢類咁厚嘅帶子貝柱呢，當然係外邊食就通常切半了。

彩珠 : 再來就是北海道鱈場蟹身及腳了，價錢一點都不便宜，被譽為蟹中霸王的牠，成長期要約10年多，香港買得到的多數是急凍品，食出的感覺會似蟹柳，新鮮捕捉到的肉質會有不同，不過單計腳的長度已可以長過把刀了，而且肉亦好厚。

樂子 : 當然唔少得就係呢d急凍超級珍寶花竹蝦，真係又厚肉又長過隻大碟，而且內裡好多膏，香港好少食店可以提供這大型嘅花竹蝦呢。

彩珠 : 我地就開始處理吧，他們好快來的。

彩珠 : 鱈場蟹除了用燒的方法外，傳統的就是用火鍋方法。當然如果用麵鼓做湯底會較有日式風味，但就這樣放進港式火鍋亦不差。肉質雖然有點似蟹柳，不過肉本身算厚之餘海水味非常充足，更令整個湯加上頗清甜的海鮮味道。

騏綵 : Hello!! 我又想試試這個放去火鍋整熟佢...

樂子 : 唔好呀，咁大隻帶子刺身食架，如果真係驚生食最多都係鍋中碌一碌就要上台，否則會好硬。

騏綵 : 拿回上來了，試一試吧。和以前食過的帶子比較，的確厚肉得多而且肉質感覺上有條理。加上海水味道亦很充足，亦不會粗糙啦。

司馬騏綵 --- 對鱈場蟹及大帶子之評分 :

樂子 : 雖然珍寶花竹蝦有時會用來做日式鐵板燒或者刺身都有，但中式食飯都可以用得上。今次可以試試干煎蝦碌或者茄汁蝦碌，由於蝦肉非常厚加上有膏，煎起來就好香而有彈性，而最甘香嘅地方就係頭部的蝦膏呢。

馬場樂子 --- 對珍寶花竹蝦之評分 :

彩珠 : 當然要食多少少菜蔬來平衡一下吧。

(較大的圖)

累積賺蝕 = 0 (今季由可以RESET啦！)

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

第六場 :

7. 感恩 - 雖然試大閘或草閘也好，都好像唔係好夠銳。今次對手眼見好似好強，但其實此駒之底牌未見盡之外，上次季尾一場好明顯輸塞車而已，千四起步總比一開始就跑千六穩陣，同場各駒各有疑問之下不如選柏寶較安全。

『真飛心水馬』(TOTAL $1300)
連贏 ($1300)
第六場 : 7. 感恩膽拖全餐 ($100注) : $1300

新馬季會在9月8日開鑼，今季<河馬仔專欄>繼續講飲講食講馬講電影講...........，務求為大家分析心水馬匹之餘，更希望和大家分享生活所見所聞。

而賽馬預測節目<賽馬WQT>會繼續由各路主持坐陣，自2006年以來，務求突破五百集大關。

本地賽事會由河馬仔，楊駿，魔術師，魯賓遜，王力，飛標，臨場等人繼續每集兩場心水。

而海外賽事會不定期有海外賽事專家及研究者如Gallant Chief，尤達，獲利，事務員等等在越來越多之海外轉播賽事中分析，希望可以為聽眾對海外賽事有更多的資訊及認知。

《河馬仔專欄》亦輾轉踏入第6年，而河馬仔作為本專欄的寫作人，也是《賽馬WQT》之監製，在此感謝各位閱讀過小弟文章或者聽過本節目的朋友，無論是讚賞是批評，本人也是無比感激，力求進步。

今次兩位姊妹看板娘馬場樂子及馬場彩珠祝各位馬迷新一季馬運亨通，心想事成，馬到功成！

(較大的圖)

此Wallpaper由河馬仔設計及監製及持有版權、由香港同人組織緻妍軒之畫師---飛鷹妍繪製而成。

*(圖中所述之故事及看板娘人名純屬虛構、如有雷同、實屬巧合。)

作者: 河馬仔 時間: 7/9/2012 11:25 PM

9月8日河馬仔『真飛心水馬』投注紀錄
(是日投注總數 $1300)

作者: 河馬仔 時間: 8/9/2012 04:03 PM

是日<河馬仔賽馬專欄>之心水結果由看板娘馬場樂子報導
(十三隻大蝦冇咗了。)

是日賺蝕 : = - $1300

累積賺蝕 = - $1300

歡迎光臨賽馬世界 (http://racingworld.no-ip.org/)