標題:
向西女角踢爆靚樣巨胸後天加工
[打印本頁]
作者:
帶來吉利
時間:
13/9/2012 08:22 PM
標題:
向西女角踢爆靚樣巨胸後天加工
來自青島，因貌似張馨予而有「D級張馨予」之稱的性感女星張暖雅（Angelina）年頭正式來港發展，由於眼大鼻高瓜子面，加上34D的激凸身材，一口氣連接《喜愛夜蒲2》及《一路向西》兩套港產片，對過去非常保留的她近日被內地「有心」網民大踢爆，指她是整容天后又愛搶人男朋友，上下全身共修葺過數十次，更有網民直斥她為了來港發展，不惜改名換姓，由張泓紅變張暖雅，五官前後巨變如重生，舢舨胸突然變巨峰，人類已阻止不了女星的進化﹗
前日晚上是《一路向西》的首映禮，有份主演的Angelina扮到靚一靚到會場，打出D級上圍的她本來風騷笑笑口地向記者Say Hi，怎料看到記者手持自己進化前後的相片，即九秒九彈開，並急急找來助手救駕，以唔鹹唔淡的廣東話說：「唔好意思，你有咩問題可以問我經理人。」
激動求生路
未待記者開口，張暖雅已激動得一邊用力揸摷相片，一邊搶了記者手上的錄音筆，瞪大雙眼怒氣沖沖地說﹕「小姐，我知你要交差，但我想同你講，一個女仔嚟香港發展其實一啲都唔容易，我畀你好過，你係咪應該都要畀我好過？（我點唔畀你好過？）我知道內地好多女仔都想嚟香港娛樂圈發展，好多人都Jealous（妒忌）我，所以成日整埋啲假嘅嘢去抹黑我！我覺得好奇怪囉，每個人都存在得好唔容易，點解……（下刪百字）（依家咪畀機會你澄清囉。）我唔知，我從來都無睇過啲相！（咁麻煩你𠵱家睇一睇，唔好揸埋一嚿。）我覺得你無必要每一日都要做啲事去傷害人。（我點傷害你？）你𠵱家咁樣追問我回應，我覺得你傷害緊我！你諗吓，如果換轉係你，你會點樣回應？」然後記者問了多次「你是否相片中人」，自稱好多人妒忌的張小姐都沒回應。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
